www.tandavnews.com
Fact ~ In search of truth

कोलकातामा हुने भानुजयन्तीमा साहित्यकार लोकेन्द्रबहादुर चन्द प्रमुख अतिथि

काठमाडौं ।

Mahanagar add

नेपाली जनकल्याण समिति कोलकाताले यस वर्षको २०६ औँ भानुजयन्ती पूर्वप्रधानमन्त्री तथा साहित्यकार लोकेन्द्रबहादुर चन्दको प्रमुख आतिथ्यतामा आयोजना गर्दैछ ।कोलकातामा सन् १९९७ देखि भानुजयन्ती मनाउन थालिएको हो । कोलकाताको अलिपुर रोडलाई सन् २००७ देखि ‘भानुभक्त सरणी’ नामकरण गरिएको छ ।

यही साउन १२ गते कोलकाता हावडा मैदानमा हुने कार्यक्रममा कोलकातास्थित नेपाली महावाणिज्यदूत एकनारायण अर्याल, संहिताशास्त्री अर्जुनप्रसाद बास्तोला, प्राज्ञ प्रा .डा हेमनाथ पौडेल र डा देवी नेपाल, धर्मराज बराल, रामप्रसाद पन्त, डा डिपी अर्याल, प्रदीप खनाल, ऋषभदेव घिमिरे, गोपीकृष्ण ढुङ्गाना, कुमार मगर, पुष्पराज पराजुली, सहदेव कोइरालासमेतको सहभागिता रहने छ ।

कार्यक्रममा प्राज्ञ प्रा .डा पौडेलले भानुभक्तको कवित्वबारे गोष्ठीपत्र प्रस्तुत गर्नेछन् भने प्राज्ञ डा .नेपालले कविता कार्यशाला चलाउनेछन् ।भारत पश्चिम बङ्गाल राज्यका सहकारीमन्त्री अरुप रायको आतिथ्यता पनि रहने कार्यक्रममा कविता वाचन, विविध नेपाली सांस्कृतिक कार्यक्रममा साथै साहित्यिक पत्रिका ‘बिहानी’ पत्रिकाको २० औँ अङ्क पनि विमोचन हुने समितिका सभापति बद्रीविक्रम थापाले जानकारी दिए । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...