www.tandavnews.com
Fact ~ In search of truth

मुस्ताङमा हिमपात

संजय रेग्मी
पर्वत, ताण्डव न्यूज ।

एक हप्ता अगाडिको हिमपातका कारण हिउँ नै नपग्लिएको मुस्ताङमा आज साँझबाट फेरि हिमपात शुरु भएको छ । मौसममा आएको खराबीसंगै चिसो बढेपछि फेरि बाग्लो हिमपात शुरु भएको हो ।

हिमपातसंगै मौसम अत्याधिक चिसो बन्दा सर्वसाधरणहरु घर बाहिर निस्कन सक्ने अवस्था नरहेको जिल्ला प्रहरी कार्यालय मुस्ताङका प्रहरी निरीक्षक राजेन्द्रप्रसाद रेग्मीले जानकारी दिए ।

Mahanagar add

आज दिउसो सम्म घाम लागेका कारण पुरानो हिउँ पग्लिैँदै गएको भएपनि पुन हिमपात भएसंगै मुस्ताङको जनजीवन प्रभावित भएको छ । हिमपातसंगै धाराको पानी जमेको छ भने सडकहरु ढाकिएका कारण सवारी संचालनमा पनि समस्या भएको छ ।

यसअघिको हिमपातको एक हप्ताको अबधिमा मुस्ताङको हवाई सेवा पनि प्रभावित भएको छ । तल्लो मुस्ताङमा पर्ने जोमसोम बिमानस्थलको हिउँ पग्लिएपछि हिजो र आज १/१ उडान भएको भएपनि आज साँझको हिमपातले बिमानस्थालमा हिउँ जम्मा भएको छ ।

अहिले हिउँ परिरहेकोले बिमानस्थल ढाकीएको र अब फेरि केही दिन बिमान सेवा बन्द हुने सम्भावना रहेको प्रहरी निरीक्षक रेग्मील जानकारी दिए ।

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...