पोखरा ।
इथियोपियाका पूर्वप्रधानमन्त्री लेन तम्राटले पर्यटकिय पोखराको रुपाकोट तथा बेगनासको भ्रमण गरेका छन् ।
प्रसिद्ध व्यवसायीक संस्था अमेरीकन एक्स्प्रेसका पूर्व कार्यकारी अधिकृतसहितको टोलीको नेतृत्व गर्दै पूर्व प्रधानमन्त्री तम्राट पर्यटकिय लेखनाथ क्षेत्र भ्रमण गरेका हुन् ।
आफ्नो तीन दिने भ्रमणका क्रममा उनी सहितको टोलीले नेपालमा विदेशी लगानीको सम्भाव्यता समेत अध्ययन गरेको थियो । शुक्रवार नेपाल आईपुगेका उनी सहितको टोलीले यस अघि राष्टपति विद्या भण्डारी, उपराष्टपति नन्दकिशोर पुन, प्रतिनिधी सभाका शभामुख कृष्ण बहादुर महरा लगायतलाई राजधानी काठमाडौमा शिष्टाचार भेट गरेको थियो ।
काठमाडौको भेटघाट कार्यक्रम लगत्तै पोखरा उत्रिएको टोलीले पोखरा क्षेत्रमा बैदेशिक लगानीको सम्भाव्यता अध्ययन समेत गरेका थिए । स्थिर सरकारको निर्माणसँगै नेपाल अब बिकासको गतिमा लम्कन सक्ने भन्दै आर्थीक स्तर बलियो बनाउन सक्ने उनिहरुको ठम्याई छ ।
पूर्वप्रधानमन्त्री तम्राटको टोलीले नेपालमा पर्यटन र कृषीको क्षेत्रमा उल्लेख्य फड्को मार्न सक्ने सम्भावना ठहर गरेको छ ।
टोलीले नेपालका नागरीकसँग मिलेर काम गर्न आफुहरु उत्सुक रहेको र त्यसका लागि आपसी भाईचाराको बिकासमा जोड दिए । भ्रमण दलका सदस्य तथा अमेरीकन एक्स्प्रेसका पूर्व कार्यकारी अधिकृत बेन स्मिथले भने , “नेपालको विकासका लागि पर्यटन र कृषी क्षेत्रले महत्वपूर्ण भूमिका खेल्न सक्छ भन्ने हाम्रो ठम्याई छ । ” तर, त्यसका लागि युवाहरुका भूमिका र भाईचाराको बिकास पनि त्यतिकै मात्रामा उल्लेख्य रहने उनले बताए ।
यसैबिच टोलीले पोखरा महानगरपालिका वडा नम्बर ३१ ब्ोगनासस्थित आनन्दज्योती माविको पनि अवलोकन तथा भ्रमण गरेको थियो । युवा व्यवसायी तथा समाजसेवी पदमराज पौडेलको पहलमा नेपाल भ्रमण गरेको करीब एक दर्जन संङख्यामा रहेको टोलीले उक्त विद्यालयमा आर्थिक सहयोग समेत गरेको छ ।
उक्त विद्यालयमा अध्ययनरत गरीब तथा जेहेन्दार विद्यार्थीको निम्ति शैक्षिक सहयोगका रुपमा २ हजार ५ सय अमेरीकन डलर टोलीले सहयोग गरेको हो । रकम हस्ताण्तरण कार्यक्रममा बोल्दै नेपालका पूर्व स्वास्थ्यमन्त्री खगराज अधिकारीले आफ्नो क्षेत्रमा भएको विदेशी हाईप्रोफाईल भ्रमणबाट आफु अत्यन्त खुशी बनेको धारणा राखेका थिए ।
यस्ता भ्रमणलाई निरन्तरताका लागि आग्रह गर्दै त्यस क्षेत्रका शैक्षिक तथा अन्य विकासका लागि विदेशी दातृृ निकायले उल्लेख्य भूमिका निभाएको पनि जानकारी दिए ।
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.