www.tandavnews.com
Fact ~ In search of truth

कम्युनिष्टको ‘ह्याट्रीक एरिया’मा जनअपेक्षा अनुसार ‘विद्या भट्टराई’ उम्मेदवार सिफारीस

पोखरा
ताण्डव न्यूज ।

कास्की निर्वाचन क्षेत्र नं. २ मा हुने उपनिर्वाचनका लागि नेपाल कम्युनिस्ट पार्टी (नेकपा) कास्की जिल्ला कमिटीले एक मात्र उम्मेद्वारको नाम केन्द्रमा प्रस्ताव राखेको छ ।

शुक्रबार बसेको नेकपा कास्कीको बैठकले रिक्त रहेको पदपूर्ती (प्रतिनिधि सभा सदस्य) का लागि विद्या भट्टराईको नाम सर्बसम्मत सिफारिस गर्ने निर्णय गरेको हो ।

Batas

नेकपा कास्कीका अध्यक्ष कृष्ण थापाले आगामी मंसिर १४ गते हुने उपनिर्वाचनका लागि पार्टीको तर्फबाट सर्वसम्मत एक मात्र उम्मेद्वार भट्टराईलाई सिफारिस गरेको बताए ।

दिवंगत पर्यटनमन्त्री रवीन्द्र अधिकारीको क्षेत्रमा जीत निश्चित गर्ने लक्ष्य सहित अधिकारीको धर्मपत्नी भट्टराईको नाम सिफारिस गरेको थापाले उल्लेख गरे । जनअपेक्षा अनुसार नै नाम सिफारीस गरेको अध्यक्ष थापाले सुनाए ।

अधिकारीको गत फागुन १५मा हेलिकोप्टर दुर्घटनामा परि निधन भएको थियो । अधिकारी कास्कीबाट २०६४, २०७० र २०७४ को निर्वाचनमा विजयी भएका थिए ।

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

You might also like

Comments are closed.