www.tandavnews.com
Fact ~ In search of truth

विश्व किर्तीमान धारी गोपाललाई पोखरामा भव्य स्वागत

पोखरा ।

पुर्व राष्ट्रिय फुटवल खेलाडी तथा एचआइभी संक्रमित पोखराका गोपाल श्रेष्ठले विश्वकै सर्वाेच्च शिखर सगरमाथाको सफल आरोहण गरेर विश्व किर्तीमान बनाएसँगै उनलाई पोखरामा भव्य स्वागत तथा अभिनन्दन गरिएको छ ।

गोपाललाई सगरमाथा आरोहण गराउने समुह स्टेप अफ क्याम्पियन दोश्रो चरणले उनको स्वागत तथा अभिनन्दन गरेको हो । उनको अभिनन्दनमा पोखराका अधिकतम संघ सस्थाहरुको सहभागिता रहेको थियो भने अभिनन्दन पछि उनलाई पोखरा परिक्रमा पनि गराईएको थियो ।

Batas

दुई महिना अगाडी पोखरावाट सगरमाथा आरोहणका लागि निस्किएका श्रेष्ठले गएको ८ गते बुधवार विहान ७ः३० वजे सगरमाथाको टाकुरामा पाईला राखेका थिए ।

एआइभी संक्रमित ब्यक्तिले सगरमाथाको सफल आरोहण गरेको यो नै पहिलो हो । पोखरा ७ रत्नचोक निवासी श्रेष्ठ आरोहण पश्चात फर्कने क्रममा स्वास श्वास र अन्य शारिरीक समस्याका कारण एक हप्ता काठमाण्डौमै उपचार गराएपछि उनी आज मात्रै पोखरा आएका हुन् ।

स्टेप अफ क्याम्पिएनका संयोजक पदमराज पहारीले अभियानले पहिलो चरणको सफलता पाएको धारणा राखे । उनले भने–“यो अभियान समग्र नेपालीको हो त्यसैले हामीले गोपालको आरोहण पछिको आगमनलाई भव्य रुपले स्वागत र अभिनन्दन गरेका हौं ।”

पोखरा विमानस्थलमा अवतरण गर्दै आरोहि श्रेष्ठले यो सफलता संसार भरका एच आई भी संक्रमित र प्रभावितहरुमा समर्पण गरेको धारणा राखे । उनले भने–“ वल्ल अभियान सुरु भएको छ गर्नु पर्ने कामहरु धेरै छ अव हामी एक भएर संसार भरका एच आई भी संक्रमितहरुलाई समाजले हेर्ने नजरिया परिवर्तन गर्न जरुरी छ ।”

अभियान पछि संक्षिप्त भनाई राख्दै अभियानकी सचिव जमुना शर्माले अव अभियानले एच आई भि संक्रमितका वालवालीकाका क्षेत्रमा काम गर्ने जानकारी दिईन् ।श्रेष्ठले ड्रिमर्श डेस्टिनेशन ट्रेक्स एण्ड एक्सपिडिशनका फूर्वा तेन्जीङ शेर्पाको नेतृत्वमा सगरमाथा आरोहण गरेका हुन ।

उनलाई आरोहण गराउनका लागि अनुभवी शेर्पा दाकिवा शेर्पाले निजी रुपमा जिम्मा लिएका थिए । निजी शेर्पा दाकिवाका अनुसार श्रेष्ठले कुनै पनि समस्या नदिईकन आरोहण सफल गरेको जानकारी दिए । उनले भने–“ गोपाल दाईमा आरोहण सँग सम्वन्धीत ज्ञान र आरोहणका लागि आवस्यक पर्ने क्षमता राम्रो रहेछ ।”

श्रेष्ठले विश्वभर छरिएर रहेका एचआईभी संक्रमितहरुको प्रतिनिधित्व गर्दै ‘स्टेप अप क्याम्पियन’ अभियान मार्फत सन् २०१५ मा सगरमाथा पनि चढ्ने प्रयास गरेका थिए । तर त्यतिवेलाको विनाशकारी महाभूकम्पका कारण सफल भएका थिएनन् ।

एचआईभी र एड्ससँग सम्बन्धीत भेदभावको अन्त्य गर्ने उद्देश्यले सगरमाथा चढ्ने उनको पहिलो प्रयास विफल भएपनि यसपाली भने उनी सफल भएका हुन् ।

‘अभियानले मूलतः मानिसको प्रेरणासँग दाँजेको हुन्छ,’ स्टेप अप क्याम्पियनका संयोजक पहारीले त्यसबेला भनेका थिए, ‘संक्रमित भएपनि सम्पूर्ण रुपमा आफू अन्य मानिसहरु सरह सक्षम रही राष्ट्रको नाम उचो राख्ने गोपाललाई हामी साथ दिन्छौं ।’

२५ वर्षअघि एचआईभी सक्रमण भएका ५६ वर्षीय श्रेष्ठले ‘स्टेप अप क्याम्पेन ः सेकेण्ड फेज’ अभियान अन्तर्गत सगरमाथा आरोहण गरेका छन् ।

गोपालले सगरमाथा आरोहण गर्नुअघि सन् २०१३ मा ५,४१७ मिटर उचाइको थोराङ्ग ला पास, सन् २०१४ मा ६,१८९ मिटर उचाइको आइल्याण्ड पिकको सफल आरोहण गरिसकेका छन् । त्यस्तै सन् २०१६ मा ६,६४६ मिटर उचाइको भर्जिन पिक खाङ कार्पोको सफल आरोहण गरिसकेका छन् ।

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

You might also like

Comments are closed.