ताण्डव न्यूज ।
हुन्डाई गाडीको नेपालको लागि आधिकारीक विक्रेता लक्ष्मी इन्टरकन्टिनेन्टल प्रालीले बहु प्रतिक्षित गाडी हुन्डाई भेन्यू एक समारोह बिच सार्वजनिक गरेको छ । उक्त गाडीको पोखरामा पनि विक्रिको लागि बुकिङ खुल्ला भएको छ । पोखरा बुद्धचोकमा रहेको लक्ष्मी ग्रुपको सोरुमबाट लिन सकिने लक्ष्मी ग्रुपका भीम खत्रीले जानकारी दिए ।
हुन्डाई भेन्यू ३ भिन्न इन्जिन अप्सनमा उपलब्ध हुनेछन् । १.२ लिटर पेट्रोल इन्जिन कप्पा डुअल VTVT टेक्नोलजि जसको 83ps/6000rpm को सर्वाधिक पावर रहनेछ, १.४ लिटर डिजल इन्जिन U2 CRDi जसको सर्वाधिक पावर 90ps/4000rpm रहनेछ तथा १.० टर्बो पेट्रोल इन्जिन कप्पा VTVT टेक्नोलोजि जसको सर्वाधिक पावर 120ps/6000rpm को रहनेछ । हुन्डाई भेन्यूले ७ स्पीड DCTको उपलब्धता पनि प्रदान गर्ने छ । यो गाडीको सुरुवाती मूल्य ३४ लाख ९६ हजार रुपैयाँ कायम गरिएको छ ।
बजारमा उपलब्ध अरु गाडीहरुको तुलनामा हुन्डाई भेन्यूले बजारमा आफ्नो दह्रो उपस्थिति जनाउने निश्चित छ । हुन्डाइ भेन्यू स्मार्ट इलेक्ट्रिक सन रुफ, आकर्षक क्रोमयुक्त फ्रन्ट ग्रील तथा स्पोर्टी रुफ रेल ले सु—सज्जित छ । यसको R16 डायमण्ड कट एलोइ पाङ्ग्रा तथा हिल एसिष्ट कन्ट्रोलले नौलौ र उत्साहजनक सवारी अनुभव दिनेछ । भेन्यूमा बत्तीहरुको जडान सुन्दर तथा आधुनिक रुपमा गरिएको छ । जस अन्तर्गत कर्नरिङ्ग लाइट, प्रोजेक्टर फग लाइट तथा क्रिस्टल इफेकट सहितको लेड लाइट विशेष छन् ।
उत्कृष्ट यात्राको अनुभव गराउन, हुन्डाई भेन्यूमा नवीनतम विशेषताहरु रहेका छन् जस्तै रियोस्टयाट सहितको एड्भान्स सुपरभिजन क्लसटर, ड्राईभर रेर भ्यू मिरर, भेहिकल स्टेबिलिटीे म्यानेजमेन्ट तथा इलेक्ट्रोनिक स्टेबिलिटी कन्ट्रोल रहेका छन् । हुन्डाई भेन्यू एउटा सुरक्षित यात्राको सहयात्री हो । भेन्यूका थप विशेषताहरुमा वाइरलेस फोन चार्जर, क्रुज कन्ट्रोल, टेलेमेटिक्स सहितको २०.३२ सेन्टिमिटरको एच डी डिस्प्ले, एअर प्युरिफायर तथा रिएर ए सि भेन्ट रहेको छ ।
हुन्डाई भेन्यूले नेपाली बजारमा आफ्नो छुट्टै पहिचान कायम गरि सफलतापूर्वक ग्राहकहरुको मन जित्नेमा कम्पनी विश्वस्त रहेको प्रेश विज्ञप्ती मार्फत जनाइएको छ ।लक्ष्मी इन्टरकन्टिनेन्टल प्रा.लि.ले नेपाल भरी १३ शोेरुमहरु तथा १७ सर्भिस सेन्टरहरु मार्फत ग्राहकहरुलाई सेवा प्रदान गरिरहेको छ । हुण्डाई मोटर कम्पनी विश्वकै ५ ठूला अटोमावाइल उत्पादक मध्यमा पर्दछ ।
यस कम्पनीका उत्कृष्ट उत्पादनहरुले विश्वभरि करोडांै ग्राहकहरुको मन तथा विश्वास जित्न सफल भएको छ ।
© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.