www.tandavnews.com
Fact ~ In search of truth

नाटक ‘बितेका कुरा’ मञ्चन तयारी पुरा

hima aus

पोखरा ।

जेठ ३ गते बिहिबारबाट गैह्रापाटनमा रहेको पोखरा थिएटरको गन्र्धव नाटकघरमा मञ्चन हुने नाटक ‘बितेका कुरा’ मञ्चन तयारी पुरा भएको छ ।

रुपनारायण सिँहले लेखेको यो नाटक पोखरा थिएटरका अध्यक्ष परिवर्तन कार्कीले निर्देशन गर्दैछन् । नाटकको परिकल्पना समेत कार्कीले गरेका हुन्। पोखरा थिएटरको दोस्रो प्रस्तुतीको रुपमा यो नाटक मञ्चन हुन लागेको हो ।

नाटकलाई उत्कृष्ट बनाउन कलाकारले गरेको मेहनतका कारण दर्शकको मन जित्ने अपेक्षा थिएटरले गरेको छ ।

classic tech

नाटकमा पुराना रंगकर्मी प्रकट पंगेनी शिव सहित दिलप्रसाद गुरुङ, धुर्व पौडेल, बबिता मल्ल ठकुरी, प्रसुना भण्डारी, सम्झना सिर्पाली, शरद भण्डारी, सुर्य सुवेदी, रोशन ज्ञवाली, सौरभ तिमिल्सिना, सिम्रन पौडेलले अभिनय गर्दैछन् । एक घण्टा लामो नाटक जेठ १९ गतेसम्म मञ्चन हुनेछ ।

सोमबार बाहेक हरेक दिन साँझ ५ बजे नाटक मञ्चन हुनेछ । शनिबार दिउँसो १ बजे अतिरिक्त सो समेत हुनेछ ।

पोखरामा नियमीत नाटक मञ्चन गर्ने योजनाका साथ आफुहरुले काम गरिरहेको थिएटर सञ्चालक दिल प्रसाद गुरुङले बताए । थिएटर अध्यक्ष परिवर्तन कार्कीले पोखरामा नाट्य गतिबिधि बढाउने कार्यमा अगाडी बढ्दै गर्दा दर्शक तथा शुभचिन्तकबाट प्राप्त सर्पोटले उर्जा थपेको बताए ।

पोखरा थिएटरको पहिलो प्रस्तुतीमा मञ्चन भएको नाटक सिरुमारानीबाट दर्शकको अपार माया पाएकोले पनि दर्शकको साथ पुःन पाउनेमा उनीहरु आशावादी छन् ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...