www.tandavnews.com
Fact ~ In search of truth

कास्कीका तत्कालिन एसपी पालको कुशल अनुसन्धान

पोखरा
ताण्डव न्यूज ।

नायिका योरुना पुन नेहा र कास्की काँग्रेसका नेता बादल हत्या काण्डको मुद्दा पार लागेको छ । करिब ३ बर्षपछि फैसला भएको यि दुई मुद्दामा कास्की प्रहरीले पक्राउ गरेका अभियुक्तहरु दोषी ठहर भए ।

तत्कालिन समयमा जिल्ला प्रहरी कार्यालय कास्कीका प्रमुख तथा एसपी हरिबहादुर पालले गरेको कुशल अनुसन्धानको परिणाम देखिएको एक प्रहरी अधिकृतले बताए ।

हरिबहादुर पाल

‘त्यो बेला दुवै घटनामा संलग्न अभियुक्तलाई पाल साबकै पालामा पक्राउ गरेर कानुनी दायरमा ल्याइएको थियो,’ अधिकृतले भने, ‘अझ बादल हत्या काण्डमा संलग्न युवाहरुलाई भारतबाट झिकाउने प्लानिङ पनि उहाँकै थियो । जुन प्लानिङले काम गरेको हुनाले ६ जना मध्ये ४ जना पक्राउ परेका थिए ।’

२०७२ सालमा काँग्रेस नेता बादलको हत्यामा संलग्न ६ जनालाई एसपी पालकै कमाण्डमा समातिएको थियो । यही जेठ ६ गते आइतबार कास्की जिल्ला अदालतले बादलको हत्यामा संलग्न ६ जनालाई जन्मकैदको फैसला सुनाएको हो ।

काँग्रेस नेता बादल

जिल्ला न्यायधीस उमेश लुइँटेलको इजालासले हत्यामा संलग्न प्रकाश गुरुङ, विश्वास गौतम, राजु रानाभाट, सन्दिप गुरुङ, रविन केसी र अशोक गुरुङलाई जन्मकैदको सजाय सुनाइएको हो । त्यसैगरी घटनामा संलग्न ६ जना मतियारालाई १ बर्ष कैद सजाय भएको छ ।

पालकै पालामा भएको नेहा हत्या काण्डको अनुसन्धान पनि उत्कृष्ट सावित रह्यो । २०७२ माघ १८ गते राति भएको नेहा हत्यामा संलग्न अभियुक्त सतीश भन्ने किर्तन खड्गीलाई पनि पालकै कमाण्डमा पक्राउ गरिएको हो । सतीशलेनै हत्या गरेको भन्ने आधार प्रमाण जुटाएको कास्की प्रहरीले त्यस बेला गरेको अनुसन्धान सफल भएको मानिन्छ ।

योरुना पुन
Lama collectio News Middle

त्यही आधार प्रमाणकै कारण यही वैशाख १६ गते हत्यामा संलग्न सतीशलाई जिल्ला अदालत कास्कीले सर्वस्वसहित जन्मकैदको सजाय सुनाएको थियो ।

जिल्ला न्यायधीश रमानाथ पौड्यालको इजलासले सतिशलाई कर्तव्य ज्यानमा सर्वस्वसहित जन्मकैद र बलात्कारमा ५ वर्ष कैदको फैसला सुनाएको थियो । जस अनुसार सतिशले २५ बर्ष जेल जीवन बिताउनु पर्छ ।

तत्कालिन समयमा घटना भएकै भोली पल्ट कास्की प्रहरीले सतिशलाई पक्राउ गर्न सफल भएको थियो ।

यि दुई फैसलाको बारेमा तत्कालिन एसपी तथा हाल एसएसपी पालले ताण्डव न्यूजसँग फोन मार्फत खुशी व्यक्ति गरे । ‘हुन त हाम्रो कामनै हो अपराधीलाई कानुनी दायरामा ल्याउने,’ पालले भने, ‘हाम्रो परिश्रम खेर गएन् । प्रमाणको आधारमा हामीले पक्राउ गरेका अभियुक्तनै दोषी ठहर भएका छन् ।

त्यस बेला प्रहरीले के गरेको होला भन्ने टिकाटिप्पणी उठ्नु स्वभाविकै थियो तर परिणाम सही निक्लियो ।’

 

ताण्डव फलोअप

नेता बालदको हत्यामा संलग्न ६ जनालाई जन्मकैद

नेहा हत्या काण्डको फैसला, सतीश दोषी ठहर

अदालतमा अल्झिएका वादल र नेहा हत्या काण्ड (घटना क्रम सहित)

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop