www.tandavnews.com
Fact ~ In search of truth

२० लाख लागतमा आधुनिक मेसिन सहितको लोटस चाउमिन उद्योग पोखरामा

पोखरा
ताण्डव न्यूज ।

पोखराको पृथ्वीचोकमा अवस्थित बाँस्तोला कम्प्लेक्समा लोटस चाउमिन उद्योग संचालनमा आएको छ । झण्डैं २० लाखको लागतमा चीनबाट आधुनिक मेसिन भित्र्याई युवा उद्यमी कमल सुवेदीले उद्योग संचालनमा ल्याएका हुन् ।

सोमबार एक कार्यक्रमका बीच युवा नेपालका केन्द्रीय उपाध्यक्ष एवं बाँस्तोला कम्प्लेक्सका संचालक माधव बाँस्तोलाले उद्योगको उद्घाटन गरे । कार्यक्रमलाई सम्बोधन गर्दै बाँस्तोलाले युवा उत्पादनमा अग्रसर हुनुले मुलुक समृद्धतर्फ लम्किएको संकेत भएको बताए । ‘युवाहरुलाई स्वरोजगार उन्मुख बनाउनुको विकल्प छैन्,’ उनले भने, ‘मुलुक भित्रै उत्पादनमूलक क्षेत्रमा काम गर्छु भन्नेलाई राज्यले संरक्षण गर्नुपर्छ ।’

सबै राजनीतिक गतिरोध अन्त्य भएर मुलुकले दुई तिहाई सहितको शक्तिशाली सरकार पाएकोले युवाहरुलाई हतोत्साही नहुन उनले आग्रह गरे । राज्यले उद्योगधन्दा, कलकारखाना, कृषिजन्य उत्पादनसँग युवाको पौरख जोड्न सके मुलुक समृद्ध बन्न समय नलाग्ने उनको भनाइ थियो ।

Lama collectio News Middle

उद्योगका संचालक सुवेदीले चाउमिन उद्योग संचालन गर्ने क्रममा राज्यको अस्पष्ट कर नीतिका कारण हैरानी भोग्नु परेको गुनासो पोखे । उनले उद्योगलाई आगामि दिनमा थप विस्तार गरी नेपकिन पेपर र ससेस उत्पादन गर्ने योजना रहेको सुनाए । उद्योगबाट प्रतिदिन सरदर १ हजार १ सय केजी चाउमिन उत्पादन गर्ने लक्ष्य राखेको उनले बताए ।

कार्यक्रममा सहभागि युवा संघका केन्द्रीय सदस्य एवं कम्प्लेक्सका संचालक युवा व्यवसायी ओमराज बाँस्तोलाले उद्योगको उत्तरोत्तर प्रगतिको कामना गरे ।

हाल उद्योगबाट प्रत्यक्ष रुपमा ५ जनाले रोजगारी पाउनेछन् भने सम्पूर्ण व्यवस्थापन विक्की सुवेदी गर्ने छन् ।

उद्योगले सुभारम्भको समय पारेर १० केजी चाउमिन खरिद गर्नेलाई १ केजी निःशुल्क उपलब्ध गराउने जनाइएको छ ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop