www.tandavnews.com
Fact ~ In search of truth

प्रभावकारी बन्दै स्वास्थ्य बीमा

hima aus

झापा ।

झापामा स्वास्थ्य बीमा गर्नेमध्ये आधा हिस्साले स्वास्थ्योपचार गरेका छन् ।

सरकारले झापामा २०७४ असोजदेखि स्वास्थ्य बीमा लागू गरेको हो । गत असोजदेखि हालसम्मको ११ महिनाको अवधिमा स्वास्थ्य बीमा गर्नेको सङ्ख्या एक लाख २२ हजार ३०५ पुगिसकेको जिल्लास्थित स्वास्थ्य बीमा बोर्डकी दर्ता अधिकारी लक्ष्मी कँडेलले जानकारी  दिए ।

उहाँका अनुसार बीमा गराएकामध्ये ५० हजार ५४९ जनाले जिल्लाका विभिन्न स्वास्थ्य संस्थाबाट उपचार सेवा लिइसकेका छन् । दमकस्थित आम्दा अस्पतालले सबैभन्दा बढी १७ हजार ६०० जनालाई गत एक वर्षको अवधिमा बीमामार्फत उपचार सेवा प्रदान गरेको जनाएको छ ।

जिल्लाको १५ वटै स्थानीय तहमा स्वास्थ्य बीमा लागू गरिएको छ । बीमा गराएकाले भद्रपुरस्थित मेची अञ्चल अस्पताल, विर्तामोडस्थित मेची आँखा अस्पताल र जिल्लाका सबै प्राथमिक स्वास्थ्य केन्द्रबाट उपचार सेवा लिन सकिने व्यवस्था छ ।

यस अवधिमा बीमा गराएकामध्ये सबैभन्दा कम १७७ जनाले गौरीगञ्ज गाउँपालिकाको खजुरगाछी स्वास्थ्य केन्द्रबाट उपचार गराएका छन् । दर्ता अधिकारी कँडेलका अनुसार भद्रपुरस्थित मेची अञ्चल अस्पतालबाट ११ हजार ४७१ बिरामीले बीमामार्फत उपचार गराएका छन् ।

classic tech

विर्तामोडको मेची आँखा अस्पतालबाट तीन हजार ६७५ बीमितले आँखासम्बन्धी रोगको उपचार गराएका छन् । पाँच जनासम्मको परिवारमा वार्षिक रु दुई हजार ५०० बीमा रकम बुझाएपछि एक बीमितले आफूले गरेको बीमाबाट वार्षिकरुपमा रु ५० हजारसम्मको उपचार सेवा लिन पाउने व्यवस्था भएकाले स्वास्थ्य बीमा कार्यक्रमप्रति सर्वसाधारणको आकर्षण बढेको दर्ता अधिकारी कँडेलले बताए ।स्वास्थ्य बीमा गरेबापत गर्भपतन, प्लाष्टिक सर्जरी, अङ्ग प्रत्यारोपणबाहेकका धेरै किसिमको उपचार सेवा पाउने व्यवस्था रहेको उनको भनाइ छ ।

बीमितलाई धुलाबारी, शनिश्चरे, बनियानी, सुरुङ्गा, शिवगञ्ज, खजुरगाछीलगायतका स्वास्थ्य सेवा केन्द्र र अस्पतालमा दमक अस्पताल, मेची अञ्चल अस्पताल भद्रपुर, मेची आँखा अस्पताल विर्तामोडबाट उपचार सोवा प्रदान गरिने व्यवस्था गरिएको छ ।

जिल्लामा स्वास्थ्य बीमा बोर्डले १५ वटै स्थानीय तहमा घरघरै पुगेर बीमा गराउनका लागि १९५ दर्ता सहयोगीलाई परिचालन गरेकाले २०७४ असोजदेखि २०७५ साउन मसान्तसम्मको ११ महीना अवधिमा एक लाख २२ हजार ३०५ ले स्वास्थ्य बीमा गराएका र तीमध्ये ५७ हजार ३०३ पुरुष र ६४ हजार ९९८ महिला छन् ।

बीमा गर्नेमा पनि सबैभन्दा बढी दमक नगरपालिकाका रहेका छन् ।

सो नगरपालिकाबाट २५ हजार ३६२ ले स्वास्थ्य बीमा गरेका छन् भने सबैभन्दा कम झापा गाउँपालिकाबाट एक हजार ९४९ ले मात्र बीमा गराएका छन् । बीमा गरेबापत सोही अवधिमा रु छ करोडभन्दा बढी बीमा रकम सङ्कलन भएको दर्ता अधिकारी कँडेलले जानकारी दिए । – रासस

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...