www.tandavnews.com
Fact ~ In search of truth

जीवनलाई लक्ष्यपरक बनाउन आफ्नै देश फर्किए

नुरज बाटाजू
प्रबन्ध निर्देशक
जोनछे ट्रेडर्स प्रा.लि, पोखरा, बुद्धचोक

अटो क्षेत्रमा नेपाल प्रवेश गरेको छोटो समयमै धाक जमाउन सफल भएको ब्राण्ड हो रेनो । झण्डैं ११९ वर्ष अघि फ्रान्समा स्थापना भएको रेनो ब्राण्डका गाडिहरु विश्वबजारमा गुडिरहेका छन् । समग्र युरोपको अटो बजारमा शीर्ष २ स्थानमा रहेको रेनो ब्राण्डका गाडिहरु नेपालमा प्रवेश गरेको २ वर्षमा नै शीर्ष ३ स्थानमा आफूलाई उपस्थित गराएको छ । यसै सन्दर्भमा रेनो ब्राण्डका विशेषता, बजार र आगामि लक्ष्यका विषयमा पोखराका लागि आधिकारीक बिक्रेता जोनछे ट्रेडर्स प्रालि पोखराका प्रबन्ध निर्देशक नुरज बाटाजूसँग गरिएको कुराकानीको सार :

अटो बजारलाई कसरी हेर्नु भएको छ ?

समग्र अटो बजारलाई हेर्नुपर्दा नेपालको आर्थिक बृद्धिदरसँग पनि जोडिएर आउँछ । विश्वमै वार्षिक आर्थिक बृद्धिदर लक्ष्य हाँसिल गर्नमा तेस्रो स्थानमा नेपाल पनि परिरहेको परिप्रेक्ष्यमा सोही अनुसार मानिसको क्रय क्षमता पनि बृद्धि हुँदै गइरहेको छ । अटो खरिदमा मानिसले ठूलो धनराशी खर्च गरिरहेको छ । त्यससँगै यसको बजार क्षेत्र पनि प्रतिस्पर्धात्मक रुपमा विस्तार भइरहेको छ ।

सरकारले अटोलाई विलासी साधनको रुपमा दुई सय प्रतिशत सम्म कर लगाएको पाइन्छ । बाह्य मुलुकको तुलनामा यहाँको बजार मूल्यमा पर्न आउने फरकले कत्तिको असर गरेको छ ?

करको मारले गर्दा त असर गरिरहेकै छ । सामान्यतया मध्यम वर्गको परिवारको लागि अझ पनि गाडि चढ्नु भनेको ठूलै कुरा हो जस्तो मानिन्छ । तरपनि सरकारले अबको नीतिमा सवारीलाई विलासी नभई आधारभूत आवश्यकतामा परिमार्जन गर्नु जरुरी देख्छु । यातायातलाई विकासको आधारभूत इकाइ पनि मान्ने र उता गएर विलासी साधनमा वर्गिकरण गरी करको चर्को मूल्य तिर्नुपर्ने बाध्यताको अन्त्य गरिनुपर्दछ ।

अटो क्षेत्रमा आउने प्रेरणा तपाईलाई कसरी मिल्यो ?

म यस क्षेत्रमा आउनुको खास कारण चाहीँ मेरो बुबा अटो मोबाइल क्षेत्रमा हुनुहुन्थ्यो । फेमिली विजनेस पनि हो । म अध्ययनको क्रममा लण्डन गए । त्यहाँ पढ्दै गर्दा मर्सिडिज बेन्ज गाडि कम्पनीमा काम गर्ने अवसर मिल्यो । त्यहाँको सैद्धान्तिक र व्यवहारिक ज्ञानलाई मेरो जीवनलाई लक्ष्यपरक बनाउन आफ्नै देश फर्किए ।

प्रारम्भमा अटो क्षेत्रमा प्रवेश गर्दै गर्दा कस्तो किसिमको व्यवधान भोग्नुपर्यो ?

Lama collectio News Middle

मलाई असामान्य भन्ने हदै केही त लागेन तर आफ्नै मुलुक आफ्नै नगर भएपनि केही अनएडस्ट फिल भने भयो । लण्डनमा काम गर्दा सबै कुरामा डिजिटलाइज्ड थियो । आफू अण्डरमा रहेका सबै स्टाफहरुलाई उनीहरुको दायित्वबोध स्वतः हुन्छ । यहाँ त्यस्तै केही कुरामा मेल खान नसकेको फिल हुन्छ । केही नयाँ थिमहरु ल्याउन चाहेमा पनि प्रासेसहरु पनि लामो र सरकारी व्यवधानका कारण पनि जति क्षमता छ सो अनुसारको काम गर्न सकिदो रहेनछ ।

रेनोको माग कस्तो छ ?

रेनो फ्रेन्च ग्लोबल ब्राण्ड हो । यसको वल्र्ड ¥याकिङमा शीर्ष चार स्थानमा छ । यसको माग यहाँ मात्र होइन विश्वबजारमै अत्यधिक छ । साउथ एसियामा मात्रै यसको ढिलो गरी विस्तार भएकोले यहाँ नौले मानिएको हो । र नेपालमा त झन् प्रवेश गरेको छोटो समयमा रेनोले आफ्नो बजार स्थापित गराउन सफल भइसकेको छ ।

वास्तवमा रेनो नै चढ्नुपर्ने खास कारण के छ ?

सर्वप्रथम त रेनोलाई हामीले सलिट कार नै मान्छौं । यसको फिचरलाई गुणस्तरीय मापन गर्न नै ५ वर्षको वारेन्टी छ । जुन अरु कुनै पनि मार्केटमा गाडिहरुले उपलब्ध गराएको छैन् । रेनोले साउथ एसियालाई पकेट क्षेत्र मानेर बजार विस्तार गर्ने भएपछि यस क्षेत्रको भौगोलिक सहजता अनुसारको गाडिहरु डिजाइन गरेको छ । जस्तै हाम्रो शोरुममा भएका डस्टर, क्विड दुवै गाडि यसरी बनाएको छ की ग्राउण्ड क्लिरियन्स हाइ छ । नेपालमा ग्राउण्ड क्लिरियन्स हाइ भएन भने धेरै जोखिम मोल्नुपर्ने बाध्यता हुन्छ । र हामीले कुनैपनि गाडिको फिचरमा कप्रोमाइज गरेको छैन् । जसमा टच स्क्रिन, पावर इन्जिन, हाइवे माइलेज, हिल एसिस्ट, सर्भिस सेन्टरहरु साथै अन्य थुप्रै विशेषता यसका आकर्षण हुन् । जसमा लोभ्याउने युरोपियन फ्रेन्च डिजाइन, टच स्क्रिन, पावरफुल ईन्जिन, उत्कृष्ट माइलेज, स्पेसियस तथा लग्जरियस इन्टेरियर, अफ रोडिनको लागि हिल स्टार्ट एसिस्टन्स र फोर ह्यइल ड्राइभ, अटोमेटिक एल इ डी हेड ल्याम्प, पुस बटन स्टार्ट, रियर पेसेन्जर एसी, अटोमेटिक क्याइमेट कन्ट्रोल, प्रिमियम सेफ्टी फिचर्स वीथ एयर ब्याग्ज र ब्रेक एसिस्टहरुका साथै अन्य थुप्रै विशेषता यसका आकर्षण हुन । ग्राहकवर्गलाई ध्यानमा राखेर विस्व स्तरीय कार सोरुम र साथै सभिर्सिङ र स्पेयर पार्टस एउटै छाना मुनि समयमै उपलब्ध गराइन्छ ।

बैंकीङ क्षेत्रको कर्जा नीतिले अटो बजारलाई कस्तो प्रभाव पार्छ के लाग्छ तपाईलाई ?

बैंकले ल्याउने कर्जा नीतिले अटो बजारालई केही हदसम्म भएपनि संकुचनमा भने राखेको पाइन्छ । मानिसले फुल्ली पेमेन्ट गरेर गाडि चढ्न चाहँदैन । विजनेस पर्सनहरुको हकमा त झनै यो लागू हुन्छ । त्यसकारण अब राज्यले नै नीति बनाउँदा बैंकीङ प्रणाली मार्फत सफ्ट लोनको व्यवस्था गरी अटो बजारलाई उत्साहि बनाउन तर्फ लाग्नु पर्दछ ।

रेनोको बजारमा कस्तो योजना बनाउँदै हुनुहुन्छ ?

रेनो ब्राण्डको हाल डस्टर, क्विड, क्याप्चर, लजिक गरी चार वटा गाडि हामीसँग उपलब्ध छन् । यिनमा पनि हामीले प्रत्येक वर्ष एक नयाँ गाडि लञ्च गर्ने योजनामा छौं । सेल्स, सर्भिस र स्पेयर्स तीन वटा सेवा हामीले एकै स्थानबाट दिँदै आएका छौं । विशेषत अबको दिनहरुमा कस्टमर सर्भिस मुख्य प्राथमिकतामा राखेर काम गर्ने छौं । ग्राहकको सुविधालाई ध्यान दिँदै चाहिने सम्पूर्ण स्पेयर्स पार्टस् यहीँबाट नै उपलब्ध गराउने तयारीमा छौं । ग्राहकलाई थप सुविधा एवं चाडवाडको विशेष अवसरमा विभिन्न अफर स्किम पनि ल्याउँदै छौं । महत्वपूर्ण सुविधा दिने भनेको हामीले छिट्टै नै मोवाइल सर्भिस टोलि उपलब्ध गराउने तयारीमा जुटेका छौं ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop