www.tandavnews.com
Fact ~ In search of truth

पर्वतका भूकम्पपीडितलाई तेस्रो किस्ता

पर्वत ।

भूकम्पले क्षति पुर्याएर नयाँ घरनिर्माण गरेका पर्वतका लाभग्राहीलाई तेस्रो किस्ता वितरण गर्न थालिएको छ ।

जिल्लाका विभिन्न स्थानीय तहबाट घर सम्पन्न गरी तेस्रो किस्ता माग गर्ने लाभग्राहीको निवेदन आउन थालेपछि अन्तिम किस्ता दिइएको हो । अहिलेसम्म पर्वतमा १६ जनाले मात्रै तेस्रो किस्ताबापतको रकम लगेका छन् । सबैलाई अन्तिम किस्ता भुक्तानी गर्न थालिएको राष्ट्रिय पुनःनिर्माण प्राधिकरण जिल्ला आयोजना कार्यान्वयन एकाइले जनाएको छ ।

भूकम्पबाट पूर्ण क्षति पुगेका जिल्लाका पाँच हजार २ सय ६९ घरमध्ये हालसम्म एक हजार ५ सय ८० घर मात्र निर्माण भएका छन् । घर निर्माणाधिन अवस्थामा रहेका र निर्माण गरिसकेका एक हजार पाँच सय ८० लाभग्राहीले अहिलेसम्म दोस्रो किस्ताको रकम समेत बुझिसकेका छन् । तीमध्ये १६ जनाले मात्र तेस्रो किस्ता बुझेको प्रमुख जगदीश शर्माले जानकारी दिए ।

पहिलो किस्ताको रकम लगेका चार हजार आठ सय ३२ जनामध्ये तीन हजार २ सय ५२ जनाले घर निर्माण गर्न शुरु नै गरेका छैनन् । ४३७ जनाले पहिलो किस्ताको रकम समेत बुझेका छैैनन् । पहिलो किस्ता बापतको रकम रु २४ करोड १६ लाख लाभग्राहीलाई भुक्तानी गरिसकिएको छ । दोस्रो किस्ताबापतको रकम रु २३ करोड ७० घर बनाएकाले भुक्तानी लगिसकेको छन ।

Lama collectio News Middle

त्यस्तै तेस्रो किस्ताबापत १६ लाख पनि लाभग्राहीलाई वितरण गरिसकिएको कार्यालयले जनाएको छ । हालसम्म पूर्ण क्षतिमा परेर घर निर्माण गर्नेका लागि मात्र ४८ करोड दुई लाख भुक्तानी गरिसकिएको आयोजनाले जनाएको छ ।

अहिलेसम्म पनि घर बनाउन शुरु नगरेका र घर बनाउन नचाहेकालाई पहिलो किस्ताबापत लगेको रकम फिर्ता गर्न ताकेता गरिएको शर्माले जानकारी दिए । उनले भने, “घर बनाउन नचाहानेका लागि सार्वजनिक सूचना जारी गरेरै रकम फिर्ता गर्न ताकेता गरेका छौ ।” आगामी वैशाख सम्म रकम फिर्ता नगर्नेका लागि सरकारी बाँकी सरह असुल उपर गरिने शर्माले जानकारी दिए ।

पीडित लाभग्राहीलाई अझैपनि तोकिएको मापदण्डअनुसार घर निर्माण गरेर दोस्रो, तेस्रो किस्ताका लागि माग गर्न आग्रह गरिएको छ । कतिपयले पूर्ण क्षतिमा परेको भए पनि पुरानै घरलाई टालटुल पारेर बसिरहेको समेत पाइएको छ । त्यस्तै आंशिक क्षतिमा परेका १ सय १३ जनाले एक लाख लिइसकेको पनि कार्यालयले जनाएको छ ।  रासस

सांकेतिक तस्बिर :गुगलबाट

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
friends bakery