पोखरा,
निजी तथा आवाशिय विद्यालयहरुको छाता संस्था, संस्थागत तथा निजी विद्यालय संगठन नेपाल (यूनिप्स) द्वारा आयोजित “चौथो खेलकुद महोत्सब–२०७५” मंगलबार पोखरा रंगशालामा सम्पन्न भएको छ ।
एक साता चलेको चौथो खेलकुद महोत्सबमा वेलनन एकेडेमीले उपाधी उचालेको छ । वेललनले यूनिप्स खेलकुद महोत्सवमा लगातार तेश्रो पटक उपाधी उचाल्दै उपाधी माथीनै कब्जा जमाएको छ । चौथो खेलकुद महोत्सवमा वेललनले कूल १४३ अंक बटुल्यो भने दोश्रो स्थानमा रहेको एकता सेकेण्डरी ले ११३ अंक, तेश्रो स्थानमा कालिका ईङलिस बोर्डिङले ९० अंक र स्माइल स्मल हेभेनले ६८ अंक सहित सान्त्वना स्थान प्राप्त गर्न सफल रहेको छ ।
खेलकुद महोत्सव अन्र्तगत फुटबल छात्र तर्फ वेलनन एकेडेमी पहिलो, पिनाकल एकेडेमी दोश्रो र कालिका ईङलिस बोर्डिङले तेश्रो स्थान हात पारेका छन । त्यस्तै भलिबल छात्र तर्फ एकता आवाशिय, स्माइल स्मल हेभेन, र वेलनन क्रमश पहिलो, दोश्रो र तेश्रो भएका छन । त्यस्तै छात्रा भलिबलमा होली एञ्जल, एकता आवाशिय र कालिका ईङलिस बोर्डिङ क्रमश पहिलो, दोश्रो र तेश्रो भए ।
त्यस्तै कब्बडी छात्रतर्फ पिनाकल एकेडेमी प्रथम, गेफ सेकेण्डरी द्वितिय र वेलनन तृतिय भएका छन भने छात्रा तर्फ जनकल्याण होली एञ्जल र ज्ञानकुञ्ज, क्रमश प्रथम, द्वितिय र तृतिय भएका छन । कब्बडी खेलको निमाबी तर्फ ज्ञानकुञ्ज, कालिका र होलील्याण्ड क्रमश प्रथम, द्वितिय र तृतिय स्थान हासिल गरे ।
समापन कार्यक्रममा बिजेता विद्यालय तथा खेलाडीहरुलाई शिक्षा बिकास तथा समन्वय इकाई कास्कीका प्रमुख नारायण प्रसाद सुबेदी, यूनिप्सका संस्थापक अध्यक्ष धु्रब गिरी, यूनिप्स प्रथम उपाध्यक्ष विश्वराज खनाल लगाएतले पदक, ट्रफी र प्रमाणपत्र वितरण गरेका थिए ।
यूनिप्स नेपालका केन्द्रिय अध्यक्ष शान्ता बहादुर गुरुङको अध्यक्षतामा भएको कार्यक्रममा शिक्षा बिकास तथा समन्वय इकाई कास्कीका प्रमुख सुबेदीले खेलकुद सभ्यताको एक अंग भएकाले पनि खेलकुदमा सहभागितानै महत्वपूर्ण हुने बताए । कार्यक्रममा कास्की जिल्ला खेलकुुद बिकास समितीका कार्यालय प्रमुख प्रकाश बराल लगाएतले सम्बोधन गरेका थिए ।
संस्थागत तथा निजी विद्यालय संगठन नेपाल (यूनिप्स) द्वारा आयोजित चौथो यूनिप्स खेलकुद महोत्सबमा १८ विद्यालयका ३ हजार विद्यार्थीहरुले विभिन्न खेलका ४७ वटा इभेन्ट्समा सहभागिता जनाएका थिए । प्रतियोगिताहरु लेखनाथ स्थित आर्दश खेल मैदान र पोखरा रंगशालमा आयोजना गरिएको थियो ।
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.