www.tandavnews.com
Fact ~ In search of truth

१ करोड लगानीमा घोराहीका मुक्तकमलरीको आफ्नै भवन

घोराही ।

 

मुक्तकमलरीले झण्डै एक करोडको लगानीमा आफ्नै भवन निर्माण गरेका छन् । नेपाल सरकार तराई मधेश समृद्धि कार्यक्रमअन्तर्गत ८० लाख, मुक्तकमलरी विकास मञ्चको आठ लाख ८८ हजार लागत र मुक्तकमलरी विकास मञ्चको आन्तरिक कोषबाट आठ लाख ३८ हजार गरी कूल ९७ लाख २७ हजार ७१ मा साढे तीन तले भवन निर्माण गरिएको मुक्तकमलरी विकास मञ्चका अध्यक्ष सुनिता चौधरीले जानकारी दिए ।

घोराही उपमहानगरपालिका–१७ चौघेरास्थित निर्माण गरिएको साढे तीन तले घर एक कार्यक्रम गरी आइतबार औपचारिकरुपमा उद्घाटन गरिएको छ । भवनको उद्घाटन पूर्वकमलरी एवं नेकपा सङ्घीय संसदीय दलकी सचेतक शान्ता चौधरीले गरेका हुन् ।

Lama collectio News Middle

भवनको उद्घाटन गर्दै सचेतक चौधरीले भवनलाई मुक्तकमलरीको आत्मनिर्भतासँग जोड्नुपर्ने बताए। उनले भवनमात्र ठूलो भएर मुक्तकमलरीको जीवन परिवर्तन नहुने भन्दै मुक्तकमलरीले आफ्नो जीवन परिवर्तन गर्नका निमित्त पहिला शिक्षा आर्जनमा जोड दिनुपर्ने विचार व्यक्त गरे ।

कार्यक्रममा घोराही उपमहानगरपालिकाका प्रमुख नरुलाल चौधरीले मुक्तकमलरीले नवनिर्मित भवनलाई सही सदुपयोग गरेर मुक्तकमलरीको भविष्यसँग जोडेर कार्यक्रम सञ्चालन गर्न सुझाव दिए। उनले कमलरीलाई चाहेअनुसारको सीप दिन तयार रहेको जानकारी पनि दिए ।

यसैगरी युथ फाउण्डेशन नेपालका कार्यकारी निर्देशक राजु धमलाले आफूहरुले मुक्तकमलरीलाई उद्धार, पुनःस्थापना र उनीहरुको जीविकोपार्जनसँगै विभिन्न प्राविधिक शिक्षामा सहयोग गर्दै आएको जानकारी गराए।कार्यक्रममा भवन निर्माणमा महत्वपूर्ण भूमिका खेलको भन्दै सङ्घीय सांसदद्वय शान्ता चौधरी, मेटमणि चौधरी, घोराही उपमहागरपालिका, घोराही– १७ का वडा कार्यालय, पत्रकार सन्तोष दहितलाई कदरपत्र दिइएको थियो । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
friends bakery