www.tandavnews.com
Fact ~ In search of truth

बढ्दै बाल विवाह

काठमाडौं ।

Lama collectio News Middle

सूचना र प्रविधिको विकाससँगै पछिल्लो समय उमेर नपुग्दै स्वयम् बालबालिकाले विवाह गर्ने प्रवृत्ति बढ्दै गएको छ । राष्ट्रिय बाल अधिकार परिषद्ले आर्थिक वर्ष २०७५÷७६ मा बाल विवाहसम्बन्धी विभिन्न सञ्चारमाध्यमबाट सम्प्रेषण भएका सामग्री अध्ययन प्रतिवेदन हेर्दा बाल विवाह बढ्दै गएको देखाएको छ ।

सामान्यतया बाल विवाह भन्नाले कुनै पनि राष्ट्रको कानूनमा विवाह गर्न उपयुक्त भनी तोकिएको उमेरभन्दा कम उमेरमा गरिने विवाहलाई बुझाउँछ । सामान्यतया १८ वर्षभन्दा कम उमेरमा गरिने विवाहलाई बाल विवाह भनिन्छ । सरकारले बाल विवाह अन्त्यका लागि राष्ट्रिय रणनीति २०७२ लागू गरी सो सम्बन्धी विविध कार्यक्रम सञ्चालनमा ल्याएको छ ।

बाल विवाह विरुद्धका विभिन्न प्रयास हुँदाहँदै पनि घटनामा कमी भएको देखिँदैन । यस अवधिमा विभिन्न ३४ जिल्लामा १३७ बाल विवाहका घटनामा १९६ बालबालिकाले विवाह गरेको देखिन्छ । बाल विवाहका घटनालाई हेर्दा पहिलो चौमासिकमा ४६ घटनामा ५६ बालबालिका, दोस्रो चौमासिकमा ४९ घटनामा ३२ र तेस्रो चौमासिकमा ४२ घटनामा ६८ बालबालिकाले विवाह गरेको परिषद्ले जनाएको छ ।

नेपालको संविधानले कुनै पनि बालबालिकालाई बाल विवाह, गैरकानूनी ओसारपसार र अपहरण गर्न वा बन्धक राख्न पाइने छैन भनेको छ । बाल विवाहका घटनाको वर्गीकरण गर्दा बालक र बालिका दुवै ११८ ले उमेर नपुग्दै विवाह गरेका छन् भने १८ वर्षभन्दा कम उमेरका दुई बालिकाको विवाह ६० वर्षभन्दा माथिका वृद्धसँग भएको देखिएको छ । साथै ७३ बालिकाको वयस्क पुरुषसँग विवाह भएको पाइएको छ ।

बाल विवाह भएका १९६ मध्ये अभिभावकद्धारा ७५ जना (३८ प्रतिशत) र आफूखुशी वा भागी विवाह÷सामाजिक सञ्जाल तथा फेसबुकमार्फत उमेर नपुग्दै १२१ जना ९६२ प्रतिशत० को बाल विवाह भएका घटना सार्वजनिक भएका छन् ।

यसैगरी बाल विवाहलाई लैङ्गिक रुपमा विश्लेषण गर्दा बालक ५९ ९३० प्रतिशत० र बालिका १३७ (७० प्रतिशत) रहेका छन । साथै नेपाल प्रहरी बाल क्लबको सक्रियतामा २४ बालबालिकाको विवाह रोकिएको देखिन्छ ।

जिल्लागत रुपमा हेर्दा कोलीकोट सबैभन्दा बढी २६ बालबालिकाको बाल विवाह भएको घटना प्रकाशनमा आएको छ । आर्थिक वर्ष २०७४÷७५ मा १३६ बाल विवाह भएकामा यस अवधिमा १३७ बाल विवाहका घटना प्रकाशनमा आएका छन् ।

यसबाट बाल विवाहको रोकथाममा सुधार हुन नसकेको देखिएको छ । बाल अधिकारकर्मी दुर्गादेवी मैनालीले बाल विवाह रोक्नका लागि सरकार र सरोकारवाला सङ्घसंस्थाले प्रभावित क्षेत्रमा सचेतनामूलक अभियान नै सञ्चालन गर्नुपर्ने बताए।

नेपालको देवानी संहिता २०७४ मा २० वर्ष उमेर पूरा नभई कसैले पनि विवाह गर्न हुँदैन भनी उल्लेख गरिएको छ । बाल विवाह तराई र सुदूरपश्चिमका जिल्लामा बढी मात्रामा देखिएको छ ।

शारीरिक र मानसिक रूपमा परिवर्तन हुने उमेरमा बालबालिका वैवाहिक बन्धनमा बाधिँदा किशोरीको स्वास्थ्यमा समस्या हुनाका साथै यौन र्दुव्यवहार, अशिक्षा, कमजोर स्वास्थ्य, जनसङ्ख्या वृद्धि आदि समस्या हुने गरेको परिषद्का प्रवक्ता रामबहादुर चन्दको भनाइ छ । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop