www.tandavnews.com
Fact ~ In search of truth

इन्डोनेसियाका सुरक्षा मन्त्रीमाथि आतंकवादीले गरे छुरा प्रहार, २ पक्राउ

जाकर्ता ।

आतंकवादी संगठन इस्लामिक स्टेटको सञ्जालमा आबद्ध दुई व्यक्तिले इन्डोनेसियाका सुरक्षा मन्त्री विरान्तोलाई विहीबार (हिजो)छुरा प्रहार गरेको गुप्तचर निकायले जनाएको छ।

इन्डोनेसियाली राजनीतिमा निकै शक्तिशाली मानिएका विरान्तोलाई तत्कालै जकार्तास्थित अस्पतालमा भर्ना गरेर आपतकालीन उपचार गरिएको छ।

स्थानीय टेलिभिजनले प्रशारण गरिरहेका दृश्यहरुमा सुरक्षाकर्मीले जाभा द्विपको पान्डेग्लाङमा दुई जनालाई पक्राउ गरिरहेको देखाएका छन्।

विरान्तोलाई यही स्थानमा आक्रमण गरिएको थियो। आफ्नो सवारी साधनबाट ओर्लनासाथ स्थानीय मानिससँग भेटघाट गर्नेक्रममा उनीमाथि आक्रमण भएको थियो।

Lama collectio News Middle

शंकास्पद व्यक्तिहरुमा ३१ वर्षीय स्याहरिल अलाम्साह र २१ वर्षीया फित्री एन्ड्रीयाना रहेका छन्। उनीहरु विवाहित दम्पती हुन्।

उनीहरु इन्डोनेसियाका प्रतिबन्धित जमाह अन्सारुत डउलाह ९जेएडी०का सदस्यहरु रहेको गुप्तचर निकायका प्रमुख बुडी गुनावानले बताए। यो समूहले गत वर्ष इन्डोनेसियाको दोस्रो ठूलो सहर सुराबायाका इसाई गिर्जाघरहरुमा आत्मघाती आक्रमण गरेको थियो।

छुरा प्रहार भएलगत्तै ७२ वर्षीय विरान्तोलाई हेलिकोप्टरमा राखेर राजधानी जाकर्तास्थित अस्पतालमा भर्ना गरिएको छ। प्रहरीका अनुसार उनीमाथि यसअघि पनि दुईपटक असफल हत्या प्रयास गरिएको थियो।

इन्डोनेसियाली राष्ट्रपति जोको विडोडोले विरान्तोको शल्यक्रिया गरिएको र स्वास्थ्य अवस्था सुधारोन्मुख रहेको बताए। उनले भने, ‘आतंकवाद र कट्टरपन्थी विचारधारालाई हामी सबैले मिलेर परास्त गर्नुको विकल्प छैन।’

विरान्तोसँगै एक जना स्थानीय प्रहरी प्रमुख र उनका दुई जना सहयोगीमाथि पनि छुरा प्रहार भएको थियो। तर, उनीहरुको अवस्था खतरामुक्त रहेको अस्पतालले जनाएको छ। रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
friends bakery