www.tandavnews.com
Fact ~ In search of truth
Mulberry

बागलुङ बरेङका घरघरमै अपाङ्गता परिचयपत्र र औषधि

hima aus

बागगुङ ।

classic tech

अपाङ्गता परिचयपत्रबाट वञ्चित बरेङ गाउँपालिकाका ८६ अपाङ्गता भएका व्यक्तिलाई गाउँपालिकाले घरदैलोमै पुगेर परिचयपत्र उपलब्ध गराएको छ । शारीरिक रुपमा अशक्त र सोबारे जानकारी नपाएकालाई घरमै पुगेर परिचयपत्र वितरण गरिएको हो ।

गाउँपालिका अध्यक्ष कृष्णप्रसाद शर्माले अपाङ्गता भएका व्यक्तिको अवस्थालाई दृष्टिगत गर्दै घरदैलो अभियान चलाइएको जनाउँदै परिचयपत्र प्राप्त गरेका सबै अपाङ्गता भएका व्यक्तिले नेपाल सरकारले तोकेको र गाउँपालिकाले तोकेको सुविधा उपभोग गर्न पाउने शर्मा बताए ।

‘अब उहाँहरुको स्वास्थ्य र सामाजिक सुरक्षाको सबै सुविधा उपभोग गर्ने बाटो खुलेको छ’, शर्माले भने, ‘परिचयपत्रको अभावमा सुविधाबाट वञ्चित हुन नदिन अभियान चलाइएको हो ।’

परिचयपत्रसँगै अपागंता भएका व्यक्तिको स्वास्थ्य परीक्षण गरेर निःशुल्क औषधिसमेत घरदैलोमै वितरण गरिएको छ । गाउँपालिकाले अपांगता भएकामध्ये दुईलाई रातो परिचयपत्र, २६ लाई नीलो परिचयपत्र, ४८ लाई पहेँलो परिचयपत्र र १० जनालाई सेतो परिचयपत्र वितरण गरेको छ । गाउँपालिकाले परियचपत्र र स्वास्थ्य उपचारका लागि चालू आर्थिक वर्षमा पाँच करोड विनियोजन गरेको छ ।

गाउँपालिकाका पाँच वडामा तीन दिन लगाएर परिचयपत्र वितरण गरिएको प्रमुख प्रशासकीय अधिकृत रमेश थापाले बताए । ‘सामाजिक सुरक्षा हाम्रो दायित्व हो’, थापाले भने, ‘पालिकाको केन्द्रसम्म आउन पनि कठिन हुनेले हामी घरदैलोमा पुग्दा उनीहरु खुशी भएका छन् ।’ प्रशासन र स्वास्थ्य शाखाका कर्मचारीको समूह बनाएर गाउँपालिका घरघरमा पुगेको थियो ।

यसअघि सूचीकृत भएका केहीले सुविधाको उपभोग गर्दै आएका छन् । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

You might also like

Comments are closed.