www.tandavnews.com
Fact ~ In search of truth
Mulberry

भ्रमण वर्ष व्यवस्थित गर्न चितवनमा कार्यदल

hima aus

चितवन

पर्यटकीय क्षेत्र सौराहासमेत रहेको रत्ननगर नगरपालिकाले भ्रमण वर्ष २०२० लाई व्यवस्थित गर्न कार्यदल बनाएको छ ।

नगरपालिकाले सौराहाका पर्यटन व्यवसायी, उद्योग व्यवसायी तथा सामाजिक संघसंस्थासँग छलफल गरी भ्रमण वर्षको तयारी र पर्यटकीय गतिविधि सञ्चालन गर्न कार्यदल बनाएको हो ।

Batas

रत्ननगर नगरपालिका–६ का वडाध्यक्ष राजन भट्ट संयोजक रहेको कार्यदलमा वडाध्यक्ष कृष्ण महतो, बलराम दाहाल, विनोद बस्नेत, क्षेत्रीय होटल संघ, रेवान सौराहा, रत्ननगर उद्योग वाणिज्य संघ, युनाइटेड हात्ती सञ्चालन सहकारी संस्था, साना पर्यटन व्यवसायी समूह, बाघमारा, चित्रसेन, जनकौली मध्यवर्ती सामुदायिक वन, चितवन उद्योग संघ एकाइ समिति रत्ननगर, रेवान महिला समूह कार्यदलको सदस्य तथा नगरपालिकाका सामाजिक विकास शाखा प्रमुख विश्वास श्रेष्ठ सदस्यसचिव रहेका छन् ।

classic tech

कार्यदलले पर्यटकीय नगरी सौराहालाई केन्द्र बनाएर विभिन्न काम गर्नेछ । मुलुकको तेस्रो पर्यटकीय गन्तव्य सौराहा र यस आसपासमा रहेका पर्यटकीय क्षेत्रमा पर्यटकीय गतिविधि सञ्चालन गर्न कार्यदल बनाइएको प्रमुख नारायण वनले बताए। कार्यदलले भ्रमण वर्षको उद्घाटन कार्यक्रमदेखि योजना बनाउने, कार्यान्वयन गर्ने, धार्मिक पर्यटकीयस्थललाई सौराहाको पर्यटनसँग जोड्ने काम गर्नेछ ।

भ्रमण वर्षमा शुरु गर्न लागिएको रात्रिकालीन जिप सफारी सञ्चालन र निकुञ्ज प्रवेश टिकटको समयावधि बढाउन सरकारी पहल, सामुदायिक वनका पर्यटकीय बाटो, विभिन्न सांस्कृतिक कार्यक्रम गरिने योजना छ ।

प्रमुख वनले भ्रमण वर्षमा होटल तथा रेष्टुरेष्टमा पर्यटकलाई छुट, साइक्लिङ, विभिन्न जातजातिको वेषभूषा प्रदर्शनलगायतका गतिविधि सञ्चालन हुने बताए । रासस

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

You might also like

Comments are closed.