सुशान्त गाहा मगर,
पोखरा/ताण्डव न्यूज ।
तमु समुदायको महान चाड ल्होछारको अवसरमा कास्कीको माछापुच्छ्रे गाउँपालिका ८-९ घलेलमा हुने ‘२१ औं ल्होछार घलेल उत्सव २०७६’ को सम्पूर्ण तयारी पुरा भएको छ ।
घलेल टोल विकास संस्थाको आयोजना र बौद्ध सृजना युवा क्लबको सह–आयोजनामा ‘आत्मा साक्षी राखी मन, वचन र कर्मले सेवा गरौं’ भन्ने नारा सहित भोली (मंगलबार) देखी २० गते सम्म सञ्चालन हुने उक्त उत्सवको तयारी पुरा भएको हो ।
घलेल गाउँ स्थित बौद्ध सृजना युवा क्लबको खेल मैदानमा छ दिन सञ्चालन हुने उक्त उत्सवको सम्पूर्ण व्यवस्थापकिय कार्यहरु पूरा भएको क्लबका अध्यक्ष राम गुरुङले जानकारी दिए । उनका अनुसार उक्त उत्सवमा मुख्य आकर्षणको रुपमा आयोजना गरिने खुल्ला गाउँ स्तरिय पुरुष भलिबल प्रतियोगिता तर्फ २१ टिमको दर्ता भैसकेको बताए ।
उनले मंगलबार बिहान उक्त खेलको तालिका सार्वजनिक गर्ने बताउदै महिला तर्फको टिम दर्ता पनि भैईरहेको जानकारी दिए । गुरुङले उत्सवको विधिवत उद्घाटन धर्म गुरु कर्म लामा (गुरुङ) ले ग्रह शान्ति र वृहत पूजा पाठ मार्फत गर्ने बताए ।
उत्सवमा पुरुष तथा महिला भलिबल प्रतियोगितासँगै प्रौढ (भेट्रान्स) भलिबल (३२ वर्ष माथि), सटफुट छेलो प्रतियोगिता, रस्साकस्सी प्रतियोगिता, महिला मेच घुमाई प्रतियोगिता, घैटो फुटाउने प्रतियोगिता, सटफुट छेलो प्रतियोगिता (प्रौढ), तथा एकल नृत्य खुल्ला नृत्य लगायतका प्रतियोगिताहरु समाबेश गरिएको अक्ष्यक्ष गुरुङले जानकारी दिए ।
गुरुङका अनुसार पुरुष भलिबल तर्फको बिजेता टिमले ट्रफी, मेडल, तथा प्रमाणपत्र सहित नगद ७० हजार रुपैयाँ प्राप्त गर्नेछ त्यस्तै उपबिजेता टिमले ट्रफी, मेडल, तथा प्रमाणपत्र सहित नगद ४० हजार हात पार्नेछ भने सान्त्वना स्थान हासिल गर्ने टिमलाई मेडल, तथा प्रमाणपत्र सहित नगद २५ हजार रुपैयाँ प्रदान गरिनेछ भने दर्ता शुल्क नगद ५ हजार रुपैयाँ निर्धारण गरेको छ ।
त्यस्तै महिला तर्फ बिजेता हुने टिमलाई ट्रफी, मेडल, तथा प्रमाणपत्र सहित नगद २० हजार रुपैयाँ र उपबिजेता हुने टिमलाई ट्रफी, मेडल, तथा प्रमाणपत्र सहित नगद १० हजार रुपैयाँ प्रदान गरिने उनले बताए । गुरुङका अनुसार दर्ता शुल्क २ हजार ५ सय निर्धारण गरिएको छ ।
त्यस्तै प्रौढ तर्फको बिजेता टिमलाई ट्रफी, मेडल, तथा प्रमाणपत्र सहित नगद १० हजार रुपैयाँ प्रदान गरिने टोल विकास संस्थाका संयोजक गुप्त बहादुर गुरुङले बताए उनलका अनुसार उपबिजेता टिमलाई ट्रफी, मेडल, तथा प्रमाणपत्र सहित नगद ८ हजार प्रदान गरिने छ भने अन्य प्रतियोगिताहरुका लागि आकर्षक पुरस्कारको व्यवस्था गरिएको छ ।
क्लब स्थापनाकाल देखि नै सामाजिक कार्यमा अनवरत रुपमा संलग्न रहदै आएको उत्सव संयोजक आई बहादुृर गुरुङले बताए । ‘गाउँको र ल्होछारको अवसरमा उत्सवको आयोजना गरेका हौं,’ उनले भने, ‘बिगतका वर्षमा जस्तै सबैको सहयोग मिल्ने अपेक्षा गरेका छौं ।’
उनले उत्सवले पर्यटन प्रर्बद्धनमा महत्वपूर्ण टेवा पुर्याएको उल्लेख गर्दै नेपाल सरकारको ‘भिजिट नेपाल २०२०’ को लक्ष्य प्राप्तिमा थप टेवा पुग्ने धारणा व्यक्त गरे ।सो उत्सबमा मौलिक झाँकी प्रदर्शनी, सांस्कृतिक तथा सांगितिक लाइभ कन्सर्ट, हास्य व्यङ्य प्रहशन, घरेलुु उत्पादन तथा स्थानिय हस्तकलाको प्रर्दशनी, कृषि सामाग्री प्रदर्शनी तथा राष्ट्रिय स्तरमा ख्याति प्राप्त कलाकारको बेजोड प्रस्तुती समेत रहने आयोजकले जनाएको छ ।
© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.