पोखरा
ताण्डव न्युज ।
लर्निङ हाउस प्रालि पोखराले नियम विपरित काम गर्दै आएको भनी उजुरी परेको छ । लर्निङ हाउसकी सञ्चालिका अमेरिकी नागरिक मिसेल अलेग्जेंद्रा विल्सले संस्थाको उद्देश्य विपरित काम गरेको भन्दै एक व्यक्तिले मंसिर २२ गते पोखरा अध्यागमन र पुस १० गते जिल्ला प्रशासन कार्यालय पोखरामा उजुरी दिएका छन् ।
कम्पनी रजिष्टार कार्यालयमा दर्ता भएको लर्निङ हाउसको प्रवन्धपत्रमा उल्लेख भए अनुसार व्यवस्थापन, करियर स्किल, बारिष्टा र भाषाको कक्षा सञ्चालन गर्ने हो । तर, लर्निङ हाउसकी सञ्चालक मिसेलले पैसा उठाएर विभिन्न होटल तथा रेस्टुरेन्टहरुमा कार्यक्रम गरेको पाइन्छ । त्यतिमात्र होइन उनले टिकट मार्फत र अन्य कार्यक्रम गरेर करोडौं रकम खाएको आरोप छ ।
मिसेलले कहिले आयोजक लर्निङ हाउस भनेर त कहिले आयोजकको नामनै नखुलाई कार्यक्रम गरेको प्रमाणसहित उजुरी परेको हो । विदेशीले यसरी काम गर्न नपाउने जिल्ला प्रशासन कार्यलयका एक अधिकृतले बताए । ‘सामान्यतय कसैले मनोरञ्जनको लागि कार्यक्रम गर्दा पैसा उठाउन टिकटको व्यवस्था गर्नु स्वभाविकै हो,’ उनले भने, ‘तर यो अमेरिकी नागरिक मिसेलले धेरै पटक कार्यक्रम गरेर कमाउ धन्दा चलाएको देखिन्छ । यस्तो व्यक्तिलाई पोखरा अध्यागमन तुरुन्तै कारवाही गर्नपर्छ ।’
त्यसवाहेक अन्य कामहरु पनि नियम विपरित गरेको भन्दै उनीमाथी छानविन हुन पर्ने गुनासो आएको छ । मिसेलले महिललाई मात्र लक्षित गरि ४ सय बढि जनाको ‘वुमन अन्ली’ नामको च्याट गु्रप बनाएकी छिन् । नियम विपरित गरिएको काम कसैैलाई थाहा नहोस भनी उनले त्यो गु्रपमा महिला त्योपनि आफूले मजाले चिनेकालाई मात्र इन्ट्री गराउछिन् । उनले हजार हजारको टिकट बनाएर सोही गु्रप मार्फत टिकट भिडाउने गर्छिन् ।
यसरी कुनै पनि कार्यक्रम गर्दा कि कम्पनीको उद्देश्य अनुसार हुनुपर्छ नत्र भने जिल्ला प्रशासन कार्यलयबाट अनुमती लिनुपर्छ । अमेरिकी मिसेलले यसरी नियम विपरित काम गर्दा सम्बन्धीत निकायनै मौन रहेको भनी अलोचना सुरु हुन थालेको छ ।
विजनेस भिषामा पोखरा आएकी उनले यसरीनै रकम उठाएर खर्च धान्ने मात्र नभएर लाखौ रकम कमाएको प्रमाण फेला परेको एक स्रोतले बताए । ‘कानुन विपरित काम गर्ने विदेशीलाई सम्बन्धीत निकायले तुरुन्तै कारवाही गर्नुपर्ने हो,’ स्रोतले भन्यो, ‘यहाँ त उजुरी दिँदा समेत कुनै कारवाही भएको छैन । झोले विदेशीले नेपाली ठगेर रकम कुम्लाउदा समेत केही हुँदो रहेन्छ ।’
मिसेलले आफुले कार्यक्रम नगरेको ताण्डव न्यूजसँग फोन सम्पर्कमा बताइन् । कार्यक्रमको लागि स्वीकृति लिनुभएको छ भन्ने प्रश्नमा उनले ‘मलाई केही पनि थाहा छैन, पछि फोन गर्नुस् ’ भनिन् ।
मिसेलले रकम उठाउनलाई गरेका कार्यक्रमहरु :
कार्यक्रमको नाम | स्थान | मिति |
---|---|---|
लेडिज पुल पार्टी | बगैंचा रिसोर्ट, लेकसाइड | जुन २९, २०१८ |
हाइक एन्ड वाइन | भन्ज्याङ रेस्टुरेन्ट, सरांकोट | जनावरी २०, २०१८ |
फेसन एन्ड व्युटी सोहो बार | लेकसाइड | मार्च १२, २०१९ |
फिट फर्स फेवुलस प्रिति गर्ल फिटनेस | सिर्जनाचोक | जुन १४, २०१९ |
ड्रीम ओ पुल पार्टी | बगैंचा रिसोर्ट | जुन १८, २०१९ |
हाइक एन्ड वाइन वाटरफन्ट | खपौदी | सेप्टेम्बर ७, २०१९ |
स्किल क्लिनिक स्पोर्टस क्यासल | तेर्सापट्टी | नोभेम्बर ३०,२०१९ |
हाइक एन्ड वाइन वाटरफन्ट | खपौदी | सेप्टेम्बर ७, २०१९ |
स्किल क्लिनिक स्पोर्टस क्यासल | तेर्सापट्टी | नोभेम्बर ३०,२०१९ |
फिटनेस स्पोर्टस क्लिनिक व्यायमशाला | लेकसाइड | नोभेम्बर २८, २०१९ |
डेकोरेसन स्टायल मेड फाइभ रेष्टूरेण्ट | लेकसाइड | डिसेम्बर २६, २०१९ |
© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.