www.tandavnews.com
Fact ~ In search of truth

पोखरामा अन्तर्राष्ट्रिय स्तरको पिस रिट्रिट सेन्टर बन्ने

सरिता जिसी /विद्यार्थी पत्रकार
ताण्डव न्यूज /पोखरा ।

पोखरामा अध्यात्मलाई मध्यनजर गर्दै अन्तर्राष्ट्रिय स्तरको पिस रिट्रिट सेन्टर निर्माण गरिने भएको छ ।

ब्रह्माकुमारी ईश्वरीय विश्व विद्यालय एवं राजयोग प्रशिक्षण केन्द्र नेपाल, कास्कीको लगानीमा पिस रिट्रिट सेन्टर स्थापना हुने आज आयोजित पत्रकार सम्मेलनमा जानकारी दिइयो ।

Lama collectio News Middle

पोखरा महानगरपालिका –११ शिवशक्तिमार्ग, फूलबारीमा बन्न लागेको पोखरा पिस रिट्रिट सेन्टर अन्तर्गतको दिव्य शान्ति अनुभूति केन्द्रको यहि माघ २५ गते शनिबारको दिन भवन शिलान्यास समारोहको आयोजना गरिएको जानकारी दिइएको छ ।

भवन शिलन्यासमा गण्डकी प्रदेशका मुख्यमन्त्री पृथ्वीसुब्बा गुरुङ, महानगर प्रमुख मानबहादुर जिसीको विशेष आतिथ्यता रहने जनाइएको छ । त्यस्तै भारत एवम् नेपालका वरिष्ठ ब्रह्माकुमार, ब्रह्माकुमारी, संस्थाको अन्तर्राष्ट्रिय मुख्यालय, माउण्ट आबुबाट वरिष्ठ राजयोग प्रशिक्षक राजयोगिनी ब्रह्माकुमारी शिलु दिदीजीको गरिमामय उपस्थिती रहने छ । कार्यक्रममा संस्थाका सदस्य लगायत गरि करिब तीन हजार व्यक्ति सहभागी हुने अपेक्षा रहेको छ ।

सनातन संस्कृति अध्यात्म र आधुनिक प्रविधिको त्रिकोणात्मक संगम रहने गरि स्थापना हुन लागेको सो सेन्टर झण्डै साढे ३ रोपनी जग्गामा निर्माण हुने राजयोगी ब्रह्माकुमार शैलेषराज बरालले बताए ।उक्त केन्द्रको भवन निर्माण सम्पन्न गर्न २१ करोड लागत लाग्ने अनुमान गरिएको छ ।

© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
friends bakery