www.tandavnews.com
Fact ~ In search of truth

पोखरामा खस आर्य सङ्ग्रहालय बन्ने

पोखरा ।

क्षत्री समाज नेपाल केन्द्रीय कार्यालयको परिसरमा खस आर्य सङ्ग्रहालय बन्ने भएको छ ।

पोखरा महानगरपालिका–११ मा निर्माण हुन लागेको उक्त सङ्ग्रहालय भवनको गण्डकी प्रदेश आर्थिक मामिलामन्त्री किरण गुरुङले बिहीबार शिलान्यास गर्दै भौगोलिक अवस्थाअनुसार जातजातिको धर्म, संस्कृति परम्परालाई आम नेपालीले सम्मान गर्नुपर्ने बताए । उनले संघीयतालाई बलियो बनाउनुपर्नेमा जोड दिए ।

गण्डकी प्रदेशसभा सदस्य कुमार खड्काले जातीय सद्भावका लागि खस आर्य संग्रहालय महत्वपूर्ण हुने धारणा राखे । अर्का प्रदेशसभा सदस्य कृष्ण थापाले संग्रहालयले सबैले अपनत्व महसुस गर्ने गरी साझा हुनुपर्नेमा जोड दिए । । प्रदेशसभा सदस्य बिन्दुकुमार थापाले विकास निर्माणमा सबै पार्टी एक हुनुनै आजको आवश्यकता रहेको बताए ।

Lama collectio News Middle

कार्यक्रममा क्षत्री समाज नेपालका केन्द्रीय अध्यक्ष प्राध्यापाक डा दिलबहादुर क्षत्रीले समाजले सदैव सबै जातिको सम्मानका लागि आन्दोलन गरेकाले संग्रहालय तथा बहुउद्देश्यीय भवन निर्माणले थप टेवा पुग्ने धारणा राखे ।

निर्माण समितिका अध्यक्ष प्रेमबहादुर जिसीले पहिलो चरणको निर्माणमा प्रदेश सरकारले सहयोग गरेको र बाँकी कार्यलाई आम क्षत्री, स्थानीय निकायबाट सहयोग संकलन गरी एक वर्षभित्र सात करोडको लागतमा पूर्णरुपमा सञ्चालन गर्ने योजना रहेको जानकारी दिए ।

पोखरा महानगरपालिका–९ का अध्यक्ष रामराज लामिछानेले स्थानीयस्तरबाट सङ्ग्रहालय निर्माणमा सहयोग गर्ने बताए । सोही कार्यक्रममा नापी कार्यलयका प्राविधिक ऋषि थापालाई सम्मान गरिएको थियो । निर्माण अनुगमन समितिका संयोजक कृष्ण थापा, निर्माण समितिका उपाध्यक्ष उर्मिला खड्का, सचिव पदमबहादुर कार्की, पण्डित सोमनाथ सुवेदीलगायतले सङग्रालयका बारेमा चर्चा गरेका थिए। रासस

© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop