पोखरा
ताण्डव न्यूज ।
नेपाल दशनामी युवा समिति कास्कीले पोखरा वात्स्यायन वृद्धाश्रममा निशुल्क स्वास्थ्य शिविर सम्पन्न गरेको छ । आज (मंगलबार) पोखरा १४ बाच्छीबुडुवास्थित बृद्धाश्रममा आश्रीत बृद्धबृद्धाहरुको स्वास्थ्य परिक्षण गरिएको हो ।
सो अवसरमा बोल्दै दशनामी युवा समितिका केन्द्रिय बरिष्ठ उपाध्यक्ष अर्जुन गिरीले समाजसँग प्रत्यक्ष जोडिने गरि यस प्रकारका थप कार्यक्रमहरुमा जुट्न युवालाई सुझाए । पछिल्लो पुस्ताका युवावर्गहरु समाजप्रतिको उत्तरदायित्वमा कम सहभागि हुने गरेको चित्रित गर्दै उपाध्यक्ष गिरीले संघसंस्थाहरु मार्फत अघि बढाउनु पर्ने बताए ।
बृद्धाश्रमका अध्यक्ष बोधराज कार्कीले आयोजकलाई धन्यवाद दिए । बृद्धाश्रममा आश्रीतहरुलाई गक्ष अनुसार खानपान र वातावरणमा ध्यान दिइएको उनको भनाई थियो ।
युवा समितिकै सरस्वती पुरी र अञ्जली गिरीले शिविरमा सहजीकरण गरेका थिए ।
युवा समिति कास्कीका अध्यक्ष प्रेम गिरीको अध्यक्षतामा सम्पन्न कार्यक्रममा उपाध्यक्ष राजु गिरीको स्वागत र संचालन सचिव आशिष पुरीले गरेका थिए ।
© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.