www.tandavnews.com
Fact ~ In search of truth
Mulberry

रुपा गाउँपालिकामा बीउ वितरणसँगै स्वास्थ्य परीक्षण

hima aus

पोखरा ।

‘तरकारी किनेर होइन टिपेर खानुपर्छ’ भन्ने लक्ष्यका साथ यहाँको रुपा गाउँपालिकाले प्रत्येक घरपरिवारलाई तरकारीको बीउ निःशुल्क वितरण गरेको छ ।

कोरोना भाइरसको जोखिम हुन नदिन लकडाउन जारी रहदा सामाजिक दूरी कायम गर्दै तरकारी खेतीप्रति प्रेरित गर्ने उद्देश्यले सो गाउँपालिकाले तरकारीको बीउ निःशुल्क वितरण गरेको हो ।

Batas

गाउँपालिकामा रहेका कुल चार हजार ५०० घरपरिवारलाई विभिन्न जातका नौ लाख मूल्यबराबरका तरकारीका बीउ निःशुल्क वितरणसँगै प्रत्येक व्यक्तिको स्वास्थ्य परीक्षण गरिएको गाउँपालिकाका अध्यक्ष नवराज ओझाले जानकारी दिए ।

उनका अनुसार प्रत्येक घरलाई कम्तीमा ४० वटा बिरुवा उत्पादन हुने गरी घिरौँला, काँक्रो, रामतोरिया, लौका, करेला, सिमी, बोडी, चिचिन्ना, रायोसागलगायत विभिन्न जातका तरकारीका बीउ वितरण गरिएको हो ।

‘बारी बाँझो राख्ने, तरकारी किनेर खाने संस्कारको अन्त्य गरी बारीमै अग्र्यानिक तरकारी उत्पादन गरेर खानुपर्छ’,उनले भने, ‘त्यसबाट आफ्नै मेहनतले फलाएको ताजा तरकारी खानुका साथै आर्थिकसमेत बचत हुने गाउँपालिकाले पूर्ण विश्वास लिएको छ ।’

गाउँपालिकाले व्यावसायिक कृषिका लागि सातवटै वडामा पाँच।पाँचवटा तरकारीका टनेल निर्माणमा सहयोग गरेको बताउँदै अध्यक्ष ओझाले भने, ‘टनेलमा बेमौसमी तरकारी उत्पादन भई कृषकले उपभोग गर्नाका साथै बाँकी रहेको पोखरा बजारमा बिक्री गरेर आयआर्जन गर्न थालेका छन् ।’

classic tech

पालिकाको आर्थिक सहयोगमा निर्माण गरिएको ३५ वटा टनेलमा कुल ११ लाख लगानी भएको बताउँदै अध्यक्ष ओझाले पालिकामा प्रधानमन्त्री कृषि आधुनिकीकरण सुपर जोन कार्यक्रमअन्तर्गत धान, केरा र मौरी पकेट क्षेत्र घोषणा गरी लगभग ३५ लाख लगानी भएको बताए ।

तरकारी खेतीका लागि गाउँपालिकाले बीउसँगै प्राविधिक सहयोग, आवश्यक ज्ञानका लागि तालिमसमेत प्रदान गरेको उल्लेख गर्दै उनले भने, ‘तरकारी खेतीमा देखिने समस्या समाधानका लागि एक अनुगमन समितिसमेत गठन गरिएको छ ।’

वडाध्यक्षको संयोजकत्वमा गठन गरिएको अनुगमन समितिमा वडासदस्य र सम्बन्धित वडासचिवको सहभागिता रहेको गाउँपालिकाका प्रमुख प्रशासकीय अधिकृत विष्णुप्रसाद पोखरेलले जानकारी दिए ।

सामुदायिक वन उपभोक्ता महासंघ गण्डकी प्रदेशका अध्यक्ष एवं स्थानीय बासिन्दा कालीदास सुवेदीका अनुसार गाउँपालिकाले वितरण गरेको तरकारीको बीउ उम्रेका छन् यसले गाउँवासीलाई केही गर्नुपर्छ भन्ने धारणा विकसित गरेको छ ।

स्वास्थ्यकर्मी र जनप्रतिनिधिसहितको टोली प्रत्येक घरमा पुगेर थर्मलगनले ज्वरो मापनसहित बीउ वितरण गरिएको बताउँदै उनले भने, ‘बीउ वितरणसहित स्वास्थ्य परीक्षणले महामारीका रुपमा फैलिएको कोरोना भाइरसको संक्रमण रोकथाममा समेत टेवा पुगेको छ ।’

उनका अनुसार ‘तरकारीको बीउ वितरणसँगै गाउँमा तरकारी खेती गर्ने लहर नै चलेको छ ।’ यतिखेर विदेश तथा शहरबाट गाउँ फर्केका स्थानीय बासिन्दा तथा भाडामा बस्ने मानिससमेत उत्पादनसँग जोडिन थालेका छन् ।

सो गाउँपालिकाले कोरोना भाइरसको सङ्क्रमण फैलिन नदिन बाहिरबाट गाउँ प्रवेश गर्ने जोकोहीलाई पनि निषेध गरेको छ । गाउँ प्रवेश गर्ने मुख्य नाकामा सुरक्षाकर्मी र कोरोना स्वयंसेवकसहितको टोली चौबीसै घण्टा खटिएका छन् । रासस

© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...