पोखरा
ताण्डव न्यूज ।
कोरोना भाइरस संक्रमण न्युनिकरण तथा नियन्त्रणका लागि जिल्ला प्रशासन कार्यालय कास्कीले बुधबारदेखि निषेधाज्ञा जारी गरेको छ । यस अवधिमा अत्यावश्यकबाहेकका सवारी साधन सञ्चालन गर्न पाइदैन ।
तर, अटेर गरेर केही ब्यक्तिहरु निषेधाज्ञा उल्लंघन गर्दै सवारी गुडाएको पाइएको छ । यसरी गुडाइने सवारी साधनलाई जिल्ला ट्राफिक प्रहरी कार्यालय कास्कीले नियन्त्रणमा लिएको छ । ट्राफिक कार्यालयका अनुसार निषेधाज्ञा सुरु भएको दिन बुधबार ८७ र बिहिबार मध्यान्हसम्म २५ वटा सवारी नियन्त्रणमा लिइएको छ ।
‘अहिले कास्कीका नाका लगायत बजार क्षेत्रमा झण्डै ७० जना ट्राफिक प्रहरीहरु खटिइरहनुभएको छ’, जिल्ला ट्राफिक प्रहरी कार्यालय कास्कीका प्रमुख तथा प्रहरी निरिक्षक सन्तोष रोकाले भने,‘पहिलेजस्तो अनावश्यक हिँडेको खासै पाइएको छैन । हिजो ८७ र आज २५ सवारीहरुलाई सामान्य कारवाही गरिएको छ ।’
© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.