www.tandavnews.com
Fact ~ In search of truth

Morning Update : गण्डकीमा थप २५२ जनामा संक्रमण , ४ संक्रमितको मृत्यु

पोखरा ।

गण्डकी प्रदेशमा विजयादशीको दिन २ सय ५२ कोरोना संक्रमित थपिएका छन् । पोखरा र चितवनमा गरिएको परीक्षणमा ७ जिल्लाका २ सय ५२ जनामा कोरोना पुष्टि भएको हो ।

कोरोना पुष्टि हुनेमा कास्कीका १०१, नवलपुरका ९८, तनहुँका २६, बागलुङका १७, लमजुङका ५, गोरखाका ४ स्याङ्जाका १ जना छन् । योसहित गण्डकीमा कोरोना संक्रमितको संख्या ६७ सय ११ पुगेको छ । तीमध्ये ३८ सय ६४ जना निको भएका छन् ।

Batas

४ संक्रमितको मृत्यु

सोमबार ४ संक्रमितको मृत्यु पुष्टि भएको छ । प्रदेश स्वास्थ्य निर्देशनालयले कास्की र नवलपुरका २/२ जनाको मृत्यु पुष्टि गरेको हो ।

उनका अनुसार मृत्यु हुनेमा नवलपुरको गैंडाकोट नगरपालिका ५ का ७३ वर्षे पुरुष र कावासोती नगरपालिका २ का ७७ वर्षे पुरुष छन् । त्यस्तै पोखरा महानगरपालिका १५ का ७८ वर्षे महिला र पोखरा ५ का ५५ वर्षे पुरुष संक्रमितको मृत्यु भएको छ ।

गैंडाकोटाका संक्रमितको चितवन मेडिकल कलेज, कावासोतीका संक्रमितको मध्यविन्दु जिल्ला अस्पताल र पोखरा १५ का संक्रमितको चरक मेमोरियल हस्पिटल र पोखरा ५ का संक्रमितको पश्चिमाञ्चल क्षेत्रीय अस्पतालमा मृत्यु भएको हो ।

योसहित गण्डकीमा कोरोनाबाट मृत्यु हुनेको संख्या ६७ पुगेको छ । मृत्यु हुनेमा कास्कीका २३, नवलपुरका १३, तनहुँका १०, गोरखाका ७, स्याङ्जाका ५, लमजुङ र बागलुङका ३ र म्याग्दीका २ जना छन् ।

© 2020, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

You might also like

Comments are closed.