काठमाडौँ,
ताण्डव न्यूज ।
कोरोना भाइरस (कोभिड–१९) संक्रमण भएको २५ दिनपछि राष्ट्रिय क्रिकेट टिमका पूर्वकप्तान पारस खड्का कोरोना मुक्त भएका छन् ।
खड्काले सामाजि सञ्जाल फेसबुक र ट्वीटरमा आफू २५ दिनपछि कोरोनामुक्त भएको जानकारी दिएका हुन् ।पटकपटक पीसीआर परीक्षण गरेको र पछिल्लो समयको परीक्षणमा रिपोर्ट नेगेटिभ आएको उनले बताएका छन् ।
मंसिर २६ गते कोरोना संक्रमण पुष्टि भएपछि उनले गौतमबुद्ध कप क्रिकेट प्रतियोगिता गुमाएका थिए । संक्रमण पुष्टि भएपछि होम आइसोलेशनमै बसेर उनले कोरोना जितेका हुन् ।
यो अवधिमा स्वास्थ्यलाभको कामना र सहयोग गर्ने परिवार, साथीभाइ र चिकित्सकलाई धन्यवाद दिएका पारसले यो अवधिमा आफ्नो हेरचाह गर्ने पत्नीलाई विशेष धन्यवाद दिएका छन् ।
उनले अब २०२१ का लागि आफू तयार रहेको समेत उल्लेख गरेका छन् ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.