पोखरा,
ताण्डव न्यूज ।
पोखरामा आज एक व्यक्ति मृत भेटिएका छन् ।
पोखरा महानगरपालिका –१८ सेदीमा रहेको होटल चारगोलको कोठा नम्बर १०२ मा एक व्यक्ति मृत भेटिएको जिल्ला प्रहरी कार्यालय कास्कीले जानकारी दिएको छ ।
प्रहरीको अनुसार मृत भेटिएका पुरुष पोखरा –१७ छोरेपाटनका ४३ वर्षका ईश्वर गुरुङ भएको खुलेको छ । हिजो राती झन्डै साढे १० बजेतिर होटलमा बस्न गएका ईश्वर आज बिहान अबेरसम्म नउठेपछि होटल सञ्चालक कोठामा हेर्न जाँदा मृत अवस्थामा भेटिएको प्रहरीले बताएको छ ।
घटनाबारे अनुसन्धान भईरहेको प्रहरीले जनाएको छ ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.