www.tandavnews.com
Fact ~ In search of truth

प्रेमी थीर कोइरालासँग बिहे गर्दै गायिका अञ्जु पन्तः बिहेको मिति तय हुन बाँकी

पोखरा,
ताण्डव न्यूज ।

चर्चित गायिका अञ्जु पन्तले नयाँ अध्याय सुरु गर्न लागेकी छिन् ।

अन्जुले प्रेमी थीर कोइरालासँग विवाह गरि नयाँ अध्याय सुरु गर्न लागेको विभिन्न सञ्चारमाध्यम मार्फत पुष्टि गरेकी छिन् । गायिका पन्तले दुवैतिरका घर परिवारका सदस्यबीच बिहेबारे सल्लाह भइसकेको र अब मिति मात्र तय हुन बाँकी रहेको बताएकी छिन् ।

उनले आफ्नो बिहेपछि नयाँ अध्याय सुरु हुने समेत बताइन्। उनले दुवै तर्फका परिवारमा बिहे गर्ने सहमति भएको बताउँदै छिट्टै दुवै जनाको अनुकुल समय मिलाएर मिति तोक्ने तयारी गरेको जनाएकी छिन् ।

गायिका पन्तको गायक तथा संगीतकार मनोजराजसँग एक दशक अगाडि डिभोर्स भएको थियो । थीरसँग भने उनको आजभन्दा ६ वर्षअघि नेपाल टेलिभिजनको एउटा कार्यक्रममा पहिलो भेट भएको थियो।

त्यसबेला थीर नेपाल टेलिभिजनमा ‘सर्वाङ्गिण संवाद’ कार्यक्रम चलाउँथे। लामो समयको प्रेम सम्बन्धपछि उनीहरु केही महिनामै वैवाहिक बन्धनमा बाँधिने भएका हुन्।

© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop