पोखरा
ताण्डव न्यूज ।
कास्की जिल्ला घर भई वैदेशिक रोजगारीको सिलसिलामा कोरिया रहँदै आएका कस्केलीहरुले आर्थिक सहयोग संकलन अभियान संचालन गरेका छन् । कोभिडको दोस्रो लहरले मातृभुमी आक्रान्त बनेको उल्लेख गर्दै कास्की परिवार, दक्षिण कोरियाले संकलन अभियान सुरु गरेको छ । यहि १५ मे मा बसेको संस्थाको आकस्मिक बैठकले कास्कीमा अक्सिजन लगायत औषधीजन्य सामाग्रीहरु सहयोग गर्ने हेतुले अभियान सुरुवात गरिएको संस्थाका अध्यक्ष प्रवीण गिरीले बताए ।
सहयोगका लागि अपिल गर्दै संस्थाले भनेको छ‘कोभिडको दोस्रो लहरको महामारीले हाम्रो गृह जिल्ला पनि आक्रान्त बन्दै गइरहेकाले जिल्लावासी नागरिकहरुमा त्रास उत्पन्न भएको छ भने अक्सिजन र औषधीजन्य अभाव देखिएको छ । यस अवस्थामा कास्की परिवार दक्षिण कोरियाको ध्यानाकर्षण भई आकस्मिक बैठक बसी एक हप्ते आर्थिक सहयोग संकलन अभियान संचालन गरी यस महामारीमा गृह जिल्लामा अक्सिजन वा औषधीजन्य सामाग्रीहरुको सहयोग गर्ने हेतुले आर्थिक सहयोग संकलन गरि सहयोग गर्ने निर्णय भएको छ । यस पुण्य अभियानमा सहयोग गरिदिनुहुन हार्दिक अनुरोध गर्दछौँ।’
संस्थाले विज्ञप्तीमार्फत सम्पर्क ब्यक्ति र बैँक खाता नम्बर समेत सार्वजनिक गरेको छ ।
हेर्नुहोस् अपिल
© 2021, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.