www.tandavnews.com
Fact ~ In search of truth

मञ्चको कार्यबाहक अध्यक्षमा पराजुली, बतास फाउण्डेशनलाई एक लाख दिने

hima aus

पोखरा ।

नेपाली अग्रज खेलाडीहरुको छाता संस्था भूतपूर्व खेलाडी मञ्च नेपालको कार्यबाहक अध्यक्षमा हरि प्रसाद पराजुली नियुक्त भएका छन ।

मञ्चका अध्यक्ष तेज बहादुर गुरुङले आफ्नो व्यक्तिगत कार्यव्यस्तता कारण मञ्चका प्रथम उपाध्यक्ष समेत रहेका पराजुलीलाई कार्यबाहकको अध्यक्षको जिम्मेवारी सुम्पिएका हुन । प्रदेश खेलकुद परिषद गण्डकीको सदस्य सचिवमा नियुक्त भएकाले आफ्नो कार्यव्यस्तताका कारण पराजुलीलाई कार्यबाहकको जिम्मेवारी सुमिएको अध्यक्ष गुरुङले बताए ।

भलिवलका पूर्व राष्ट्रिय खेलाडी समेत रहेका पराजुली कृषी विकास बैंक सञ्चालक समितीका सदस्य हुन ।

classic tech

यसै विच भूतपूर्व खेलाडी मञ्च नेपालले कोभिड विरुद्धको महामारी सँग जुध्न गण्डकी स्वास्थ्य विज्ञान प्रतिष्ठानमा बतास फाउण्डेशनले सञ्चालनमा ल्याउन लागेको अक्सिजन ग्यास प्लान्टका लागि १ लाख नगद सहयोग गर्ने भएको छ । मञ्चको शनिवार सम्पन्न जुम बैठकले फाउण्डेशनलाई १ लाख सहयोग गर्ने निर्णय गरेको हो । फाउण्डेशनले महामारीको बेला मानविय विपत्तीबाट जोगाउन खेलेको भूमिकाको प्रशंसा गर्दै आफ्नो उपस्थिती समेत रहोस भन्नका लागि उक्त सहयोग गर्ने निर्णय गरेको अध्यक्ष गुरुङले बताए ।

यसै गरी फाउण्डेशनको आह्वानमा मञ्चका पदाधिकारी तथा आजिवन सदस्यहरुले समेत व्यक्तिगत रुपमा नगद सहयोग गर्ने भएका छन । मञ्चका तर्फबाट फाउण्डेशनका लागि अध्यक्ष तेज गुरुङ, महासचिब खेम गुरुङ, सदस्यहरु भरत कुमार आले, ओम गुरुङ, हरिश्वर पराजुली र आजिवन सदस्य मैंया पराजुलीले व्यक्तिगत रुपमा जनही ५ हजारका दरले सहयोग गर्ने भएका छन । उक्त रकम एक मुष्ट रुपमा संकलन गरी मञ्चको तर्फबाट फाउण्डेशनलाई प्रदान गरिने भएको छ ।

मञ्चले कोभिड १९ महामारीका कारण स्वास्थ्य लाभ गरिरहेका मञ्चका कार्यसमिती सदस्य तिलक केसी, आजिवन सदस्य गोकर्ण कार्की र उनकी धर्मपत्नीको सिघ्र स्वास्थ्य लाभको कामना गरेको छ ।

बैठकले कोभिड १९का कारण मञ्चका आजिवन सदस्य तथा वरिष्ठ संस्कृतीकर्मी मेनकाजी गुरुङ र उनकी धर्मपत्नी तथा आजिवन सदस्य रमेश कर्माचार्यको निधन प्रती गहिरो दुःख व्यक्त गर्दै श्रद्धाञ्जली अपर्ण गरेको छ ।

© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...
covid 19 tandav