अर्जुन गाहा (सुशान्त)
पोखरा/ताण्डव न्यूज
जिल्ला प्रहरी कार्यालय कास्कीका प्रहरी प्रमुख प्रहरी उपरिक्षक जीवन कुमार श्रेष्ठले आफ्नो एक वर्षे कार्यकालको कार्यविवरण सार्वजनिक गरेका छन् ।
गत २०७७ असार ८ गतेबाट कास्की प्रहरीको कमाण्ड सम्हालेका उनी लागु औषध नियन्त्रण व्यूरो काठमाडौं सरुवा हुनुपूर्व आफ्नो एक वर्षे कार्यकालको विवरणहरु पत्रकार सम्मेलन मार्फत सार्वजनिक गरेका हुन् ।
उनले सार्वजनिक गरेका कार्यविवरणमा शान्ती सुरक्षा तथा अमनचैन कायम गर्ने, अपराध अनुसन्धान तथा नियन्त्रण, ट्राफिक व्यवस्थापन तथा नागरिक समाज लक्षित सचेतना तथा अक्सिजन ग्यास सिलिण्डर व्यवस्थापन लगायतका कार्यक्रमहरु समावेश छन् ।
उनले सो अवसरमा बोल्दै एक वर्ष अवधिमा ज्यान मार्ने उद्योग, लागुऔषध, सवारी ज्यान, जबरजस्ती करणी लगायतको कसुरमा २ सय ७० पुरुष र १४ महिला गरी कुल २ सय ८४ फरार व्यत्तिहरुलाई पक्राउ गरिएको जानकारी दिए । भने सो अवधिमा कारवाही स्वरुप ७९ लाख ७ हजार ८ सय ७९ राजस्व संकलन गरिएको बताए ।
एसपी श्रेष्ठका अनुसार जुवा तर्फ ३२ मुद्धा दर्ता भएका थिए । जसमध्ये १ सय ८१ जना पुरुष र ३३ जना महिला गरी कुल २ सय १४ व्यक्तिहरुलाई कारवाही गरिएको थियो । भने उनीहरुको साथबाट २१ लाख ८० हजार ५ सय ३२ रुपैया बरामद गरिएको थियो ।
उनले दोस्रो भेरियन्टको कोरोना भाईरसको महामारी बढेसँगै भएको अक्जिसनको अभावलाई मध्यनजर गर्दै विभिन्न क्षेत्रबाट सँकलित ३ सय ७ सिलिन्डर फिर्ता गरिनेगरि अस्पतालहरुलाई प्रदान गरिएको समेत बताएका थिए ।
© 2021, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.