अफगानिस्तानमा तालिबानले आफ्नो कब्जा जमाएपछि केही दिन अघि हज्जारौं मानिस देशबाट निस्कने कोसिसमा काबुलको हवाई अड्डामा जम्मा भएका कयांै तस्विर र भिडियो फुटेजहरु आए जसले संसारलाई स्तब्ध बनायो । काबुल एयरपोर्टको त्यो दृश्य, अमेरिकी विमानबाट मानिस खासेको तस्विरले सबैको मन कपाएको थियो ।
अफगानिस्तान प्रशासनले विमान चढ्ने कोसिसमा अफगानी युवा फुटबल खेलाडी जकी अनवरको मृत्यु भएको पुष्टि गरेको छ । जकी अनवर काबुलबाट निस्किएको एक अमेरिकी सैन्य विमानमा लुकेर चढ्ने कोसिस गरिरहेका बेला उनको मृत्यु भएको बताइएको छ ।
१९ वर्षका जकी अनवरीले अफगानिस्तानको राष्ट्रिय युवा टिमका लागि खेलिसकेका छन् । यद्यपि, उनको मृत्यु कहिले भयो, यसको जानकारी भने दिइएको छैन ।
काबुल विमानस्थलबाट सार्वजनिक भएका भिडियोमा थुप्रै मानिस विमान सँगसँगै दौडिरहेको र विमानमाथि चढिरहेको देखिएका थिए । थुप्रै मानिस विमानमा जबरजस्ती प्रवेश गर्ने कोसिस गरिरहेका थिए । स्थानीय मिडियाको रिपोर्ट अनुसार हवाई जहाज उडेपछि कम्तीमा २ जनाको खसेर मृत्यु भएको छ ।
अफगानिस्तानको शारीरिक शिक्षा एवं खेल महानिर्देशनालयले फेसबुकमा एक बयान जारी गरेर जकी अनवरीलाई श्रद्धाञ्जली दिएको छ । एजेन्सी
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.