प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घन्टामा गण्डकीका १ हजार ६ सय ७६ जनामा गरिएको नमुना परीक्षणमा थप ४ सय ९६ जनामा पोजेटिभ रिपार्ट देखिएको छ ।
रिपार्ट आएका मध्ये कास्कीका १ सय ९८, तनहुँका २९, गोरखाका २१, लमजुङका ४, नवलपुर ९२, स्याङ्जाका २८, पर्वतका २५, बागलुङका ५९, म्याग्दीका ८, मनाङ १६ र मुस्ताङ १६ जनाको रिपार्ट पोजेटिभ आएको विज्ञप्तिमा उल्लेख गरिएको छ । शुक्रबारमात्रै गण्डकीमा थप १२ जनाको मृत्यु भएको निर्देशनालयकाले जनाएको छ ।
साथै देशभर पछिल्लो २४ घन्टामा १ हजार ८ सय ६२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा देशभरका प्रयोगशालामा गरिएको ९ हजार ७ सय ११ आरटी पिसिआर परीक्षणमा सो संख्यामा संक्रमण पुष्टि भएको हो ।
यस्तै, ५ हजार ५ सय ७९ जनामा गरिएको एन्टिजेन परीक्षणमा ६ सय २० जनामा संक्रमण पुष्टि भएको छ । पछिल्लो २४ घन्टामा १ हजार ७ सय ८१ जना कोरोना संक्रमित निको भएका छन् । योसँगै संक्रमणमुक्त हुनेको संख्या ७ लाख ३९ हजार ६४ जना पुगेको छ ।
संक्रमणका कारण थप ४४ जनाको मृत्यु भएको छ । योसँगै १० हजार ६ सय १२ जनाको मृत्यु भइसकेको छ । अहिलेसम्म ९३.५ प्रतिशत संक्रमणमुक्त भएका छन् । पछिल्लो २४ घन्टामा २ हजार २ सय ४४ जना कोरोना संक्रमित निको भएका छन् । योसँगै संक्रमणमुक्त हुनेको संख्या ६ लाख ९३ हजार ५ सय ४३ पुगेको छ । संक्रमणका कारण २६ जनाको मृत्यु भएको छ । योसँगै १० हजार ४ सय ५५ जनाको मृत्यु भइसकेको छ । अहिलेसम्म ९३.१४ प्रतिशत संक्रमणमुक्त भएका छन् ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.