पाेखरा
बतास अर्गनाईजेसन र अटोवेज समूहले पोखराको फुलबारीस्थित मणिपाल शिक्षण अस्पताल खरिद गरेको छ ।
बतासको ६० प्रतिशत र अटोवेजको ४० प्रतिशत लगानी रहने गरी रु ३ अर्ब २२ करोड ६० लाखमा अस्पताल खरिद गरिएको अटोवेज ग्रुपका अध्यक्ष नारायण पौडेलले ताण्डव न्युजलाई जानकारी दिए । ‘अस्पताल खरिदका लागि सबै प्रक्रिया लगभग टुंग्सिकेको छ’ उनले भने स्वामित्व हस्तान्तरण कहिले हुन्छ डेट एकिन गरेका छैनौ ।’
यसअघि भारतीय लगानीकर्ता समूहले चलाएको पोखराको मणिपाल अस्पतालसँग १० रोपनी जग्गा र भवनका साथै अतिरिक्त ३० रोपनी जग्गा रहेको छ । साथै नेपाल मेडिकल काउन्सिलबाट हरेक वर्षमा १ सय जनाको एमबिबिएस अध्यापनको अनुमति पाउँदै आएको मणिपाल शिक्षण अस्पतालको ९ सय बेड क्षमता छ ।
खरिद सम्झौता पूरा भई स्वामित्व लिईसकेपछि अस्पताल सञ्चालक समितिमा ४ जना रहने सहमति भएको पौडेलले बताए । जसअनुसार बतास समूहका अध्यक्ष आनन्दराज बतास अध्यक्ष तथा अटोवेज ग्रुपका अध्यक्ष नारायण पौडेल उपाध्यक्ष रहने छन् । यस्तै, बतास समूहका प्रबन्ध निर्देशक शान्तराज बतास तथा निर्देशक विपेन्द्रराज बतास बोर्ड सदस्यका रुपमा रहने छन् ।
अस्पताललाई पब्लिक लिमिटेड कम्पनीका रुपमा लैजाने योजना रहेको अध्यक्ष आनन्द बतासले बताए । यस्तै, मेडिकल कलेजमा प्यारामेडिकल कोर्स, बिबिए तथा एमबिए एन्ड इञ्जिनियरिङ र बिडिएस अध्ययन सुरु गर्ने योजना रहेको उनले जानकारी दिए । अस्पताल आफूहरुको स्वामित्वमा आएसँगै नशा वा मुटुरोगको सबै उपचार पोखरामा नै हुने उनको भनाई छ ।
सन् १९९४ मा भारतको मणिपाल एजुकेसन एण्ड मेडिकल ग्रुपको लगानीमा सञ्चालनमा आएको यो कलेज पछिल्लो समय ट्रेड युनियनका कारण समस्यामा परेको थियो ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.