प्रेस चौतारी नेपाल, कास्कीद्धारा आयोजित पत्रकार सम्मेलनमा बोल्दै
ताण्डव न्युज
प्रेस चौतारी नेपाल, कास्कीद्धारा शुक्रबार आयोजित पत्रकार सम्मेलनमा बोल्दै गर्दा मन्त्री योगेश भट्टराईले अब माधव नेपाललाई होमसिक हुने र धेरैको मनमा नेकपा एमालेनै रहेको धारणा राखेका हुन् ।
सम्मेलनमा बोल्दै भट्टराईले, पार्टीको संशोधनीय फाटमा पार्टी विभाजन पछि नेकपालाई ५ प्रतिशतमात्र क्षति भएको बताए । उनले भने, ‘ हामीले पार्टी विभाजन गर्नु हुन्न भन्ने एकताको पक्षधर साथीहरुको प्रयत्नले गर्दा क्षति कम गर्न हामीले सकेका हौं ।’
सम्मेलनमा भट्टराईले तनहुँको प्रसंग निकाल्दै भने, ‘ माधवजीले आगामी दिनमा अब सपना देख्नु हुन्छ । सपनामा एमालेसँगै बसेको, सँगै खाएको, सँगै हिँडेको, यो एमाले भन्ने कुरालाई मजाले काखमा राखेको र मनोरञ्जन गरेको नै देख्नु हुन्छ ।’ उनी थप्छन्, ‘परदेश गएकालाई हाेमसिक हुन्छ । यसको मतलब अब माधव नेपाललाई होमसिक हुन्छ, होमसिक भएपछि मान्छे घर फर्किन्छ । अब नेपाल र उहाँका तमाम साथीहरुले दिनदिनै सपनामा त्यही देख्नु हुन्छ ।’
सम्मेलनमा भट्टराईले ‘एस’ का साथीहरुलाई नेकपामा फर्किनु बाहेक अरु विकल्प नरहेको बताउँदै उनीहरुलाई फर्कन अपिल र विश्वास गरेका छन् । उनले भने, ‘ विभाजनको असफल प्रयत्नतिर नजाउँ । त्यसले कुनै निकास दिँदैन । विचार र संगठनको हिसाबले पनि त्यो बन्दैन सक्दैन । यसले कम्युनिष्ट आन्दोलनलाई विभाजन गर्ने बाहेक त्यसको अरु कुनै काम हुने छैन ।’
प्रेस चौतारी नेपाल, कास्कीका अध्यक्ष अर्जुन गिरीको अध्यक्षतामा सम्पन्न कार्यक्रमको सञ्चालन राजाराम पौडेलले गरेका थिए ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.