www.tandavnews.com
Fact ~ In search of truth

डेढ वर्षदेखि बन्द रहेको महोत्तरीको मुख्य भन्सार आजदेखि विधिवतरूपमा सञ्चालन

hima aus

जलेश्वर

कोरोना महामारीका कारण विगत डेढ वर्षदेखि बन्द रहेको महोत्तरीको मुख्य भन्सार नाका (भिट्ठामोड) आजदेखि विधिवतरूपमा पुनः सञ्चालन गरिएको छ । गत वर्ष चैत ११ गतेदेखि बन्द रहेको भन्सार नाका भिट्ठामोड आज अपराह्न ४ः०० बजेपछि सञ्चालन गरिएको मुख्य भन्सार कार्यालयले जनाएको छ ।

दुवै देशको सहमतिपश्चात भन्सार नाका सञ्चालन भएसँगै आजैदेखि भारतीय ४ चक्के गाडी भन्सार कटाएर नेपाल प्रवेश पाउन थालेका छन् भने नेपाली गाडी पनि भारततर्फ जान थालेको भन्सार कार्यालयले जनाएको छ । त्यसैगरी २ पांग्रे गाडी पनि दुवैतर्फ निर्वाधरूपमा चल्न थालेका छन् ।

classic tech

भारतीय ४ पांग्रे गाडी नेपाल प्रवेश गरेको ७२ घण्टा अघि चालक तथा सहचालकको कोरोना जाँच गराएको पिसिआर रिपोर्ट अनिवार्य गरिएको छ । २ पांग्रेका हकमा सो व्यवस्था छैन । भन्सार खुलेसँगै सयौँको संख्यामा मोटरसाइकल दुवैतर्फ ओहोरदोहोर गरेका छन् । साथै कार, जीपजस्ता चारचक्के सवारीसाधन अहिले फाट्टफुट्ट मात्रै प्रवेश गरेका छन् ।

लामो समयदेखि जिल्लाको मुख्य भन्सार नाका बन्द रहँदा महोत्तरीवासीलगायत सो नाका भएर भारत जाने धनुषा, सिन्धुलीसहितका व्यक्तिलाई निकै कठिनाइ भोग्नुपरेको थियो ।

 

 

रासस

© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...