www.tandavnews.com
Fact ~ In search of truth
Mulberry

पोखराको सेती खोंचमाथि बहस

hima aus

पोखरा।
पोखराको भूगर्भबाट बग्ने चर्चित सेती नदीलाई पर्यटकीय गन्तब्यका रुपमा विकास गर्न सकिने यहाँ आयोजित एक अन्तक्रिया कार्यक्रमका वक्ताले बताएका छन् ।

पोखराको युनाइटेड क्लबले आफ्नो १२औँ वार्षिकोत्सवका अवसरमा आयोजना गरेको ‘पोखरामा सेती खोंच एक पर्यटकीय गन्तव्य’ विषयक अन्तक्र्रिया कार्यक्रम सहभागी वक्ताले सेती गल्छीलाई एक साहसिक पर्यटकीय गन्तब्यका रुपमा विकास गर्न सकिने सम्भावनाकाबारेमा जोड दिएका हुन् ।

बहसका भूगोलविद् प्रा डा कृष्ण केसीले अन्नपूर्ण हिमालदेखि तनँहुको भिमादसम्मको वृत्तचित्र प्रस्तुत गर्दै सेती गल्छीलाई साहसिक पर्यटकीय गन्तब्यका रुपमा विकास गरी उक्त ठाउँलाई भूगोलका विद्यार्थीलाई अध्ययन केन्द्रका रुपमा विकास गर्न सकिने धारणा राखे ।

Batas

भूगर्भबाट सुस्ताइरहेको सेतीले पर्यटकको ध्यानाकर्षण गर्न सक्ने जनाउँदै क्लबले सेती गल्छीका बारेमा चासो राखेर अन्तक्र्रिया कार्यक्रमको आयोजना गर्नु निकै सकरात्मक भएको बताए ।
वातावरणविद् एवं राष्ट्रिय प्राकृतिक स्रोत तथा वित्त योजनाका सदस्य जुद्धबहादुर गुुरुङले सेती नदीको गल्छीले पर्यटकीय गन्तब्य बन्नसक्ने जनाउँदै क्लबको पहलमा छिट्टै एक साहसिक पर्यटकीय गन्तब्य बन्नेमा विश्वस्त रहेको बताए।

उनले आफ्ना तर्फबाट गर्नुपर्ने सहयोगका लागि प्रतिबद्धतासमेत जनाए । उनले कोरोनाले सुस्ताएको पर्यटन क्षेत्रलाई उकास्न यस्ता पर्यटकीय सम्भावना बोकेका चर्चित स्थानको खोजी गरेर प्रवद्र्धन गर्न आवश्यक रहेको बताए।

classic tech

क्लबका संस्थापक अध्यक्ष हिमालय बख्रेलले युनाइटेड क्लबको पहलमा पोखरामा खुल्ला चिडियाखाना निर्माणको कार्य सुरु भइसकेको र हाल निर्माणकार्य जारी भइरहँदा क्लबले लिएको अर्को उद्देश्य सेती नदी संरक्षणसँगै नदीलाई एक उत्कृष्ट पर्यटकीय गन्तब्य निर्माण गर्नका लागि सानो पहलकदमी थालनीस्वरुप कार्यक्रमको आयोजना गरिएको बताए।

पोखरालाई उत्कृष्ट पर्यटकीय शहरका रुपमा विकास गर्न युनाइटेड क्लबले आफ्नो ठाउँबाट विभिन्न गतिविधि गर्दै आएको उनको भनाइ थियो । उनले आगामी दिनमा पोखराको बीच भागबाट बग्ने सेती नदीलाई उत्कृष्ट पर्यटकीय गन्तब्य निर्माण गर्न आफूहरुले पहल गर्ने र सम्बन्धित निकायसँग समन्वय गरेर अघि बढ्ने जानकारी गराए।

क्लबका अध्यक्ष राजु श्रेष्ठले क्लबले चिडियाखानालाई प्रक्रिया पूरा गरी प्रदेश सरकारलाई जिम्मा दिएपश्चात् डिभिजन वन कार्यालयको मातहतबाट सञ्चालनको कार्य भएको जनाउँदै सेती खोंचलाई पनि यसको सम्भाव्यता अध्ययन गरी एक साहसिक पर्यटकीय गन्तव्यका रुपमा विकास गर्ने क्लबको उद्देश्य रहेको बताए।

अन्नपूर्ण हिमालबाट बग्दै आएको उक्त नदी पोखराको बीचभागबाट कतै लुक्दै त कतै देखिदै बग्दाको दृश्य निकै सुन्दर देखिन्छ । देवघाटको त्रिशूलीमा बिलिन हुने यस खोंचलाई विभिन्न साहसिक गतिविधि सञ्चालन गरेर पर्यटकीय गन्तब्य बनाउन सकिने सम्भावनाबारेमा बहस भएको क्लबका सचिव दिनेश सुनारले जानकारी दिए।

प्रा.डा इन्द्र तिवारी, प्राडा कृष्णप्रसाद पौडेल, भूगर्वविद् सोमनाथ सापकोटा, सहप्रध्यापक रामजी पोख्रेल, नागरिक समाजका अभियानकर्मी रामबहादुर पौडेल, युवा व्यवसायी तथा पर्यटनकर्मी अनिल थापा, गणेश तिमिल्सिनालगायतले सेती खोंचका विषयमा आफ्नो धारणा राखेका थिए।
रासस

© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...