पोखरा ।
नेपाली कांग्रेसको भातृ संगठन तरुण दलका युवाहरु नेकपा एमालेमा प्रवेश गरेका छन् । तरुण दल पोखरा २१का उपाध्यक्ष राजु गिरीसहित युवाहरु एमाले प्रवेश गरेका हुन् ।
युवा व्यवसायी गिरीसहित युवाहरु नेकपा एमालेको कार्य देखेर प्रभावित भई नेकपा एमालेमा प्रवेश गरेको नेकपा एमाले जिल्ला कमिटि सदस्य तथा पोखरा-२१का इन्चार्ज अर्जुन गिरीले बताए ।
उनिहरुलाई नेकपा एमालेका तर्फबाट पोखरा महानगरपालिकाको मेयर, उपमेयरसहित स्थानीय तहका उम्मेदवारहरुको परिचयात्मक कार्यक्रम तथा प्रतिवद्धता पत्र सार्वजनिक समारोहमा नेकपा एमालेका वरिष्ठ उपाध्यक्ष ,ईश्वर पोख्रेल र उप महासचिव पृथ्वीसुब्बा गुरुङले अबिर र माला लगाउँदै पार्टी प्रवेश गराएका हुन् ।
पार्टी प्रवेश गर्नेमा उपाध्यक्ष गिरी, सविन गिरी, विष्णु सापकोटा, दिपक सापकोटा, केशव गिरी, उमेश खड्का र शिव गिरी रहेका छन् ।एमाले पार्टी प्रवेश गर्दै राजु गिरीले पोखरा-२१मा एमाले अझ बलियो भएर अघि बढेको दाबी गरे । गिरीका अनुसार यसपटकको चुनावमा विगतको भन्दा धेरै मतान्तरले एमालेको उम्मेदवारले विजय हाँसिल गर्नेछन् ।
पोखरा २१ मात्र नभएर कास्की र गण्डकी प्रदेशमा नेकपा एमालेले जनताको मन जित्ने काम गरेको धारणा ब्यक्त गरे । गिरी पोखरा-२१ का युवा व्यवसायी मात्रै होइनन् त्यस क्षेत्रका प्रभावशाली व्यक्ति हुन् ।
© 2022, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.