www.tandavnews.com
Fact ~ In search of truth
Mulberry

विजय र विकासको सुरुआत लेखनाथबाटै हुन्छः थापा

hima aus

पोखरा।

नेकपा एमालेको तर्फबाट पोखरा महानगरपालिकाको मेयर पदका उमेद्वार कृष्ण थापाले विजय र विकासको सुरुआत पनि लेखनाथबाटै हुने बताएका छन् । नेकपा एमाले पोखरा २९ ले मंगलबार चुनावी अभियान अन्तरगत मेयर र उपमेयर सहितको घरदैलो पछिको कोणसभामा बोल्दै मेयर पदका प्रत्यासी थापाले पोखरा प्रवेश गर्ने कोत्रेबाट पोखरासम्म ६ लेनको बाटो र कोत्रेबाट पोखरा पस्दा नै युरोप पसे जस्तो अनुभुति हुने खालका विकासका संरचना निर्माण गरिने बताएका हुन् ।

‘तपाईंहरु भोट दिनुहोस्, विकास गर्ने जिम्मा हाम्रो हो ।’ मेयरका प्रत्यासी थापाले भने, ‘लेखनाथ क्षेत्रलाई मैले प्राथमिकताका साथ हेरेको छु ।’
थापाले कम्तीमा हप्ताको २ दिन लेखनाथ मा आएर काम गर्ने प्रतिवद्धता व्यक्त गरेका छन् । उनले भने, ‘सबै ठाउँलाई समान रुपमा विकास गर्ने प्रतिवद्धता बोकेर आएको छु । तपाईहरुबीच प्रतिवद्धता व्यक्त गर्न चाहन्छु, अबका दिनमा जनाताले वास्तविक रुपमा परिवर्तनको आभास हुने काम गरेर देखाउने छु ।’

Batas

यसैगरी उपमेयर पदका उमेद्वार मन्जुदेवी गुरुङले विभिन्न अप्ठेराका बीच पनि गएको ५ वर्षमा एमाले नेतृत्वको महानगरको टिमले सम्झन लायक धेरै काम गरेको दावी गरिन् । ‘सुरुका १ वर्ष स्थानीय तहको कानुन नै नभएकाले कानुन बनाउनमा नै समय खर्च भयो, योबीचमा धेरै कानुन बनाइएका छन् । फेरि २ वर्ष पुग्दा नपुग्दै विश्वव्यापी महामारीको रुपमा कोभिड आयो ।’ उनले भनिन् । गुरुङले यसबीचमा पनि पूर्वाधार निर्माणको क्षेत्रमा धेरै काम भएका दावी गरेकी छिन् । निवर्तमान उपमेयर समेत रहेकी गुरुङले युवालाई स्वदेशमा नै केही गरौं भन्ने भावना सृजना गर्न युवा स्वरोजगारका लागि प्राविधिक शिक्षा र महिलाका लागि बिना धितो महिला उद्यमी ऋणको व्यवस्था लगायतका कार्यक्रम भएको जानकारी गराएकी थिइन् ।

classic tech

सोही अवसरमा पोखरा महानगरपालिका वडा नं २९ का वडाअध्यक्ष पदका उमेद्वार श्रीप्रसाद गुरुङले २०७४ सालमा एमालेले यो वडामा विजय गरेको र अहिले पनि विजयी हुने दावी गरेका छन् । अहिलेको स्थानीय निर्वाचनमा समेत विजयी भएर बाँकी रहेका अधुरा कामलाई पूर्णता दिंदै वडालाई विकासको नयाँ मोडलबाट नमुना योग्य वडा बनाएरै छाड्ने आफ्नो योजना सुनाएका थिए ।

नेकपा एमालेका जिल्ला कमिटीका सदस्य विष्णु पुनले सञ्चालन गरेको कार्यक्रममा स्वागत मन्तव्य वडा पाटी कमिटीका अध्यक्ष प्रमोद भण्डारीले गरेका थिए । पूर्व सैनिकबस्तीबाट सुरु भएको मोटरसाइकल ¥याली खुदी, पावरहाउस, पट्नेरी हुँदै भण्डारढिकमा आएर समापन गरिएको थियो ।

© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...