www.tandavnews.com
Fact ~ In search of truth

संघको जीवन्तता र व्यवसायिक हितको नारासहित घरदैलोमा पवन समूह

पोखरा ।

नजिकिईरहेको पोखरा उद्योग वाणिज्य संघको ३४ औँ महाधिवेशनलाई लक्षित गरेर पवन प्रजापति प्यानलले घरदैलो अभियानलाई तिव्रता दिएको छ । केही दिनयता निरन्तर परिरहेको झरीको समेत प्रवाह नगरि पवन प्रजापतिको नेतृत्वमा यो समूह व्यवसायीहरुको घरदैलोमा पुगेर आफ्नो पक्षमा मत मागिररहेको छ ।

संघको जीवन्तताः व्यवसाय विकासका लागि अभियन्ता को नारा लिएर उद्योगी व्यवसायीको घरदैलोमा पुगिरहेको यो समूहले काम गरेर देखाउने प्रतिबद्धता समेत जनाएको छ । संघप्रति उद्योगी व्यवसायीहरुको अपनत्व जगाउने गरि आफूहरुले काम गर्ने अध्यक्ष प्रत्यासी पवनकुमार प्रजापतिले बताए । उद्योगी व्यवसायीहरुको पक्षमा काम गर्ने र पोखरा उद्योग वाणिज्य संघलाई जीवन्त राख्न आवश्यक आर्थिक स्रोत बढाउने काम गर्नु मेरो नेतृत्वको कार्यसमितिको प्राथमिकतामा पर्छन् । प्रजापतिले भने संघ र संघमा आबद्ध उद्योगी व्यसवायीहरुलाई आफ्नो पक्षमा काम गर्ने नेतृत्वलाई निर्वाचित गराउन पनि म आग्रह गर्दछु । साथै प्रजापतिले विशुद्ध उद्योगी व्यवसायीहरुको यो महाधिवेशनलाई राजनीतिक रंग दिन नहुने पनि बताए ।

Batas

घरदैलोको क्रममा रहेको पवन प्रजापति र उनको समूहका अन्य पदाधिकारी सदस्यहरुसहितको टोली आज पोखराको न्यूरोड क्षेत्रका उद्योगी व्यवसायीहरुमाझ पुग्दैछ ।

भदौ २४ र २५ गते हुने आसन्न पोखरा उद्योग वाणिज्य संघको महाधिवेशनका लागि पवन प्रजापति प्यानलतर्फ वरिष्ठ उपाध्यक्षमा गोकर्ण कार्की, उपाध्यक्ष उद्योग तर्फ हिरामणी पण्डित, उपाध्यक्ष वाणिज्यतर्फ उत्तममान बुद्धाचार्य, महासचिवमा बलराम आचार्य, कोषाध्यक्षमा दिनेशचन्द्र बाँस्तोला र उपमहासचिवमा शोभा गौतमले उम्मेदवारी दिएका छन् । त्यस्तै सदस्य पदका लागि प्रभा सुवेदी बालकृष्ण कोईराला, विनोद केसी, भीम गौतम, मनोजकुमार श्रेष्ठ, यमनाथ तिमिल्सिना, रामचन्द्र शर्मा, ललित कुँवर, सुदिप ओझा र सुदिप प्रधानांग प्रत्यासी छन् ।

© 2022, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

You might also like

Comments are closed.