काठमाडौँ
ताण्डव न्यूज ।
बलात्कारको घटना सम्बन्धमा झूटो खबर फैलाएको आरोपमा प्रहरीको केन्द्रीय अनुसन्धान ब्यूरोले एक अनलाइनका अध्यक्ष एवं प्रबन्ध निर्देशक एञ्जिला सापकोटालाई बुधबार काठमाडौँबाट पक्राउ गरेको छ ।
कञ्चनपुरको भीमदत्त नगरपालिका–२ मा यही साउन ११ गते भएको बलात्कारको घटना सम्बन्धमा आरएम खबर डटकममार्फत सापकोटाले ‘यिनै हुन १४ वर्षीया बालिकालाई बलात्कार गरी हत्या गर्ने प्रहरी, सक्दो शेयर गर्नु होला’ भन्ने शीर्षकको भ्रामक सामग्रीसहित प्रहरीको पोशाक लगाएको व्यक्तिको फोटो र मृतकको फोटोसमेत पोष्ट गरी सामाजिक सञ्जालमार्फत शेयर गरेपछि उनलाई पक्राउ गरिएको ब्यूरोका प्रहरी उपरीक्षक कृष्णहरि शर्माले ताण्डव न्यूजलाइ जानकारी दिए ।
घटनाको अनुसन्धान भइरहेको र घटनाम संलग्न व्यक्ति हालसम्म खुल्न नआएको अवस्थामा सामाजिक सञ्जालमार्फत संवैधानिक मौलिक हकको समेत प्रतिकूल हुने बलत्कार जस्तो संवेदनशील घटनबारे अफवाह फैल्याइएकाले सापकोटालाई विद्युतीय कारोबार ऐनअन्तर्गत कारबाहीको प्रक्रिया अगाडि बढाएको ब्यूरोकाे भनाइ छ ।
उक्त अनलाइन प्रेस काउन्सिलमा दर्तासमेत नभएको सिआइबीले जनाएकाे छ ।
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.