पोखरा
ताण्डव न्यूज।
पोखरा लेखनाथ महानगरपालिका–३१ मोहोरियामा रहेको शिलशिला इङ्गलीस स्कुललाई प्रक्रिया पुरा नगरी विद्यार्थी ल्याउने काम नगर्न शिक्षा महाशाखले निर्देशन दिएको छ ।
माछापुच्छ्रे गाउँपालिका घाचोकमा रहेको हिमालय बोर्डिङ स्कुललाई रोशन कोइरालाले किनेर नाम परिवर्तन गरि शिलशिला इङ्गलीस स्कुल राखेका हुन् । कोइरालाले स्थानान्तरण नगरी विद्यार्थी बटुल्ने काम गरेका थिए ।
कोइरालाले स्वीकृती नलिइकन ४९ जना विद्यार्थी पढाइएको पाइएको छ ।
केदारका अनुसार ‘शिलशिला’ले कुनै पनि कक्षा अनुमती विना सञ्चालन गर्न पाउँदैनन् ।
कोइरालाले अनुमति लिएका छैनन् । ‘यदि विद्यार्थीलाई पढाइएको पाइए कडा कारवाही हुन्छ’ केदारले भने ।
कानुनी प्रक्रिया पुरा नगरी विद्यार्थी तान्ने काम भएको भनी शिक्षा महाशाखामा गुनासो आएको महाशाखा प्रमुख केदार आचार्यले बताए ।
‘स्कुलका संचालक कोइरालालाई हिजो बोलाएर प्रक्रिया पुरा नगरी विद्यार्थी जम्मा नगर्न निर्देशन दिएको छु ’ उनले भने ‘प्रक्रिया पुरा नगरी विद्यार्थीलाई बोलाउने काम पनि गर्न पाइदैन ।’
कोइरालाले आफुले स्थानान्तरणको लागि चैत्र २२ गते शिक्षा महाशाखामा निवेदन दिएको बताए ।
‘मैले निवेदन दिएको छु, अहिले कुनै पनि विद्यार्थी भर्ना गरेको छैन न त बोलाएको नै छु ’ उनले भने ‘शिक्षा महाशाखले दिएको निर्देशन पालना गर्ने छु ।’
© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.