www.tandavnews.com
Fact ~ In search of truth

पाेखराबाट इराक लैजाने भन्दै १६ लाख ठगि

पोखरा
ताण्डव न्यूज ।

इराक लैजाने भन्दै चार जना युवाबाट १६ लाख ठगि भएको छ ।

पोखराबाट इराक लैजाने भन्दै ठगि गर्ने गोरखाका मणिराज भन्ने मानबहादुर गुरुङ लगायतका व्यक्तिले चार जना युवालाई ठगेका हुन् ।

मणिराजले इराक लैजाने भन्दै पोखराका ३ जना र रुपन्देहीका १ जना व्यक्तिसँग ४–४ लाख रुपैयाँ ठगेपछि मणिराजलाई प्रहरीले काठमाडौंबाट पक्राउ गरेर गत साता पोखरा ल्याएको थियो ।

पीडित पक्ष र मणिराज बीच छलफल भएपछि मुख्य योजनाकारलाई पक्राउ गर्ने सर्तमा कास्की प्रहरीले छाडेको जिल्ला प्रहरी कार्यालय कास्कीका प्रवक्ता तथा डिएसपी रवीन्द्रमान गुरुङले जानकारी दिए ।

‘मणिराजको संलग्नता देखिए पनि मुख्य योजनाकार फरार छ,’ उनले भने, ‘पीडितकै चाहना अनुसार मुख्य योजनाकारलाई कानुनी दायरामा ल्याउने सर्तमा मणिराजलाई छाडिएको हो ।’

Lama collectio News Middle

मणिराज लगायका गिरोहले जेठ ५ गते कास्की अन्नपूर्ण गाउँपालिका–२ का रेशमराज अधिकारी, सोही ठाँउका राजेन्द्र भण्डारी, माछापुच्छे–८ का मुक्तिराम दाहाल र रुपन्देही देबदह–१ का दविलाल सुवेदीसँग इराक लैजाने भन्दै ४–४ लाख गरि १६ लाख लिएका थिए ।

वैदेशिक रोजगारका लागि सुरक्षित आप्रवासन (सामी) परियोजना सूचना तथा परामर्श केन्द्र कास्कीमा पीडितले दिएको उजुरी ।

रकम लिएपछि गिरोहले उनीहरुलाई भिसा दियो । उनीहरुले पाएको भिसा नक्कली रहेछ भनेर तब मात्र थाहा पाए जब उनीहरु दुवई प्रहरीको फन्दामा परे । भारतको दिल्ली हुँदै दुवईबाट इराक जाने ट्रान्जिटमा दुवई प्रहरीले नक्कली भिसा भन्दै उनीहरुलाई ८ घण्टा हतकडि लगाई राखेर नेपाल पठाएको थियो ।

मनबहादुर लगायतको गिरोहले पीडित ४ जनालाई दिएको नक्कली भिसाको प्रतिलिपि

नेपाल आएपछि उनीहरुले मणिराज विरुद्ध वैदेशिक रोजगारका लागि सुरक्षित आप्रवासन (सामी) परियोजना सूचना तथा परामर्श केन्द्र कास्कीमा उजुरी गरे ।

सामीले जिल्ला प्रहरी कार्यालय कास्कीसँग मद्दत मागेर पैसा ठगि गरी भागेका मणिराजलाई काठमाडौंबाट पक्राउ गरेर ल्याएको थियो ।

© 2018, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

Bernhardt
सम्बन्धित खवर
टिप्पणिहरु
Loading...
Hotpop