www.tandavnews.com
Fact ~ In search of truth

देशका बालबालिका खुशी भए म खुशी :प्रधानमन्त्री ओली

hima aus

 

काठमाडौँ

“बालबालिकाको चेहरामा खुशी देखेँ भने म पनि खुशी हुन्छु” प्रधानमन्त्री केपी शर्मा ओलीले बालबालिकाको प्रश्नको जवाफमा भने , “मुलुकका बालबालिकाको चेहरामा खुशी देख्दा मलाई खुशी लाग्छ ।”

नेपाल स्काउटले आयोजना आज गरेको बालबालिकासँग प्रधानमन्त्री कार्यक्रममा एक विद्यार्थीले सोधेको प्रश्नको जवाफ दिँदै प्रधानमन्त्री ओलीले नयाँ पिँढीको चेहरामा मुस्कान हुनुपर्नेमा जोड दिउ। “मानिस भोकबाट मुक्त हुनुपर्दछ । कठ्याङ्ग्रिएर मर्ने अवस्था आउनु हुँदैन । समाज समतामूलक हुनुपर्दछ । त्यस्तो अवस्थामा सबै नेपालीसँगै म पनि खुशी हुन्छु”, उनले भने।

बालबालिकाले प्रधानमन्त्री ओलीलाई बाल्यकाल कसरी बित्यो भनेर जिज्ञासा राखेका थिए । पूर्वी पहाडको तेह्रथुम जिल्लाको छातेढुङ्गामा विसं २००८ मा जन्मिएको सुनाउँदै प्रधानमन्त्री ओलीले प्राथमिक स्कूल पढ्दा दुई प्रकारका गृहकार्य गर्नुपरेको सुनाए।

“एउटा विद्यालयका शिक्षकले दिएको गृहकार्य र अर्को घरमै सिर्जना हुने गृहकार्य जस्तै घाँस दाउरा, गाई बाख्राको हेरचाह आदि,” प्रधानमन्त्री ओलीले भने, “दुवै गृहकार्य म कुशलतापूर्वक गर्थें ।”

classic tech

प्रधानमन्त्री ओलीलाई सामुदायिक विद्यालयका एक विद्यार्थीले सोधे “सामुदायिक विद्यालयमा पाठ्यपुस्तक नै पुग्दैनन् । शिक्षाको गुणस्तर कसरी वृद्धि हुन्छ ?” प्रधानमन्त्री ओलीले विद्यार्थीलाई पाठ्यपुस्तक नपुग्ने विषय अब इतिहास भइसकेको बताए।

प्रधानमन्त्री ओलीले भने, “समयमा पाठ्यपुस्तक नपुग्ने अब हुँदैन र आगामी वर्षदेखि विद्यालय उमेरका कोही पनि बालबालिका विद्यालय बाहिर पनि हुँदैनन्”, प्रधानमन्त्री ओलीले अङ्ग्रेजी अन्तर्राष्ट्रिय भाषा भएकाले त्यसको जानकारी लिनैपर्ने तर त्यसो गर्दा नेपाली भाषा नजाने पनि हुने अथवा नेपाली भाषा नजानेकामा गर्व गर्न नहुने बताए।

उनका अनुसार विद्यालयले अङ्ग्रेजी माध्यममा पढाउनु राम्रै हो । त्यसो गर्दा नेपाली भाषाचाहिँ नजाने पनि अथवा नपढाए पनि हुन्छ भन्ने चाहिँ होइन, आफ्नो राष्ट्रिय भाषा र मातृभाषामा सबैको दख्खल हुनुपर्दछ ।

बालबालिकाले प्रधानमन्त्री ओलीलाई निर्मला पन्तको बलात्कार र हत्याको विषयमा पनि जिज्ञासा राखेका छन् । प्रधानमन्त्री ओलीले यस घटनाको सत्यतथ्य पत्ता लगाउन सरकार गम्भीर रहेको बताए। “निर्मलाको बलात्कार र हत्याका दोषीको खोजी भइरहेको छ ।

उनीहरु पत्ता लाग्छन् । शुरुआती चरणमा प्रहरीबाट पनि केही गल्ती भएको छ । अहिले उच्चस्तरीय छानविन समिति गठन गरेर अनसुन्धान भइरहेको छ । नेपाल प्रहरी यस्ता घटनाको अनुसन्धान गरेर अपराधी पत्ता लगाउन सक्छ । अपराधी पत्ता लगाउन मैले पटकपटक निर्देशन पनि दिएको छु । रासस

तस्बिर :गुगलबाट

© 2019, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

सम्बन्धित खवर
टिप्पणिहरु
Loading...
covid 19 tandav