काठमाण्डौँ
ताण्डव न्यूज ।
नेकपा एमालेको महाधिवेशन आयोजक कमिटीको बैठक आज बस्दैछ । पार्टी अध्यक्ष तथा प्रधानमन्त्री केपी शर्मा ओलीको सरकारी निवास बालुवाटारमा बैठक बस्न लागेको हो ।
बैठकबाट कर्णालीमा केही दिनअघि ‘फ्लोर क्रस’गरी मुख्यमन्त्री महेन्द्रबहादुर शाहीको पक्षमा मतदान गर्ने सांसदमाथि कारबाहीको निर्णय बारेमा छलफल हुने एमाले प्रमुख सचेतक विशाल भट्टराईले जानकारी दिए । आजको बैठकमा खनाल–नेपाल समूहका नेता भने सहभागी नहुने भएका छन् । बैठकमा अध्यक्ष ओलीले राजनीतिक र महासचिव ईश्वर पोखरेलले सांगठनिक प्रतिवेदन पेस गर्ने कार्यतालिका रहेको छ । खनाल–नेपाल समूहले अलग पार्टीका रूपमा अभ्यास गरिरहेको उल्लेख गर्दै भट्टराईले पार्टी आफ्नो बाटोमा अघि बढ्ने जानकारी दिए ।
खनाल–नेपाल समूहका माग र गतिविधिलाई पर्खेर नबस्ने योजनामा अध्यक्ष ओली रहेको बुझिएको छ । ओलीले बोलाएको महाधिवेशन आयोजक कमिटीको बैठकको अघिल्लो दिन हिजो खनाल–नेपाल समूह आधिकारिकता दाबी गर्दै निर्वाचन आयोग पुगेको थियो ।
ओलीले गत फागुन २८ पछि गरेका केन्द्रीय कमिटीमा मनोनयनलगायत सबै निर्णय अवैधानिक भएको तर्क गर्दै खनाल–नेपाल समूहले आफूहरू नै आधिकारिक दावी गर्दै आएको छ ।
© 2021, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.