अर्जुन गाहा (सुशान्त)
पोखरा, ताण्डव न्यूज
कास्कीको अन्नपूर्ण गाउँपालिका ११ छोम्रोङमा आयोजना हुने २० औं संस्करणको सेन्चुरी ल्होसार महोत्सवको सम्पूर्ण तयारी पूरा भएको छ ।
सेन्चुरी युवा क्लबले तमु समुदायको महान् पर्व ल्होसारको अवसरमा (आईतबार) ११ गते देखि १४ गते सम्म सञ्चालन गर्ने महोत्सवको सम्पूर्ण तयारी पूरा भएको क्लबका अध्यक्ष मिकास गुरुङले बताए । उनका अनुसार पर्यटन प्रवद्र्धन गर्ने उद्देश्यसहित सञ्चालन हुने सो महोत्सवमा विभिन्न साँस्कृतिक कार्यक्रमसहित विभिन्न खेलकुदका कार्यक्रम समावेश गरिएको छ ।
महोत्सवमा मुख्य आकर्षकको रुपमा पुरुष भलिबल प्रतियोगिता र बास्केटबल प्रतियोगिता आयोजना गरिएको क्लबका सल्लाहकार राजकुमार गुरुङले जानकारी दिए । गुरुङका अनुसार भलिबलतर्फ १२ टिम र बास्केटबलतर्फ १४ टिमले दर्ता गरिसकेको बताए । दुवै प्रतियोगिताको विजेता टिमले शिल्ड, मेडल तथा प्रमाणपत्र सहित नगद रु २५ हजार प्राप्त गर्नेछन् । यसैगरी द्धित्तिय र तृतीय स्थान हाँसिल गर्ने टिमहरुले शिल्ड, मेडल तथा प्रमाणपत्रसहित क्रमश १५ हजार र ८ हजारबाट पुरस्कृत हुने छन् ।
मेलामा तमु समुदायको मौलिक खेलको रुपमा लिईने छेलो हान्ने प्रतियोगिता, घैटो फुटाउने प्रतियोगिता तथा मेच घुमाई प्रतियोगिता समावेश गरिएको सल्लाहकार गुरुङले बताए । उनले मेला अवधिभर बेलुकीपख स्थानीय क्लबद्वारा साँस्कृतिक नृत्य प्रस्तुत गरिने गुरुङले जानकारी दिए । सो मेलाको समुद्घाटन पूर्व युवा तथा खेलकुद मन्त्री जगत विश्वकर्माले गर्ने आयोजकले जनाएको छ ।
© 2021, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.