पोखरा।
नेपाल कम्युनिष्ट पार्टी(एकिकृत समाजवादी) जिल्ला कमिटी तनहुँका सचिव तथा गण्डकी प्रदेशसभा क्षेत्र नं–२ (क)का उम्मेदवार दुर्गा कुमार श्रेष्ठले उम्मेदवारी निष्कृय भएको घोषणा गरेका छन् । उनले नेकपा एमालेका उम्मेदवारहरुलाई सहयोग गर्ने मतदाता समक्ष अपिल समेत गरेका छन् ।
श्रेष्ठले गठबन्धनको सहमति विपरित प्रदेशसभा क्षेत्र नं–२ (क)मा एकिकृत समाजवादीको तर्फबाट उम्मेदवारी दर्ता गराएका थिए ।
श्रेष्ठले सोमबार एक विज्ञप्ती जारी गर्दै “पार्टी केन्द्रको बारम्बार गठबन्धनलाई सहयोग गर्ने र उम्मेदवारी फिर्ता लिन निर्देशन गरिरहेको भएता पनि कम्युनिष्ट विचार र मानयताबाट अघि बढी रहेको सचेत कार्यक्रर्तालाई काँग्रेसको पिछलगु भई हिड्नु पर्ने कारण नभएको प्रष्ट पार्न चाहान्छु ।” उनले भनेका छन् ।
गठबन्धनको नाममा कम्युनिष्ट आन्दोलन कम्जोर भएको बताउदैँ उनले भने,“गठबन्धनको नाममा कम्युनिष्ट आन्दोलन कमजोर बनाउने दिशा तर्फ भन्दा योग्य कम्युनिष्ट पार्टीका उम्मेदवारलाई सहयोग पु¥याउनु पर्छ भन्ने मान्यताका साथ मेरो उम्मेदवारी आजकै दिनदेखि निष्कृय रहेको घोषणा गर्दछु ।”
उनले एमालेका प्रतिनिधिसभा क्षेत्र नं–२का उम्मेदवार किरण गुरुङ र प्रदेशसभा क्षेत्र नं–२(क)का उम्मेदवार श्यामराजा महतलाई समर्थन गर्दै मतदाता समक्ष भोटको अपिल गरेका हुन ।
© 2022, ताण्डव न्यूज. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.