गरेको छ
जेठ १५, २०८०, पोखरा
नेपालको अग्रणी अनलाइन प्लेटफर्म ’दराज नेपाल’ले यहि जेठ १५ गते पोखरा ग्राण्डमा आफ्नो पहिलो विक्रेता अन्तरक्रिया कार्यक्रम सम्पन्न गरेको छ । यस कार्यक्रम दराज एक्वीजिसन एण्ड इन्क्यूबेसन एण्ड सेलर इन्गेजमेन्ट टिमको अगुवाइमा सम्पन्न भएको हो ।
उक्त एकदिवसीय कार्यक्रममा १५० नयाँ र विद्यमान बिक्रेताहरूको सहभागीता थियो। विक्रेताहरुले सबै स्रोतहरूको सदुपयोग गरी व्यवसाय बिस्तार गर्ने तरिकाहरु बारे जानकारी पाएका थिए ।
तीन सत्रहरूमा विभाजित, विक्रेता अन्तरक्रिया कार्यक्रममा विक्रेताहरूलाई दराज प्लेटफर्ममा सफल हुनको लागि ज्ञान र उपकरणहरू प्रदान गरिएको थियो ।
पहिलो सत्रले नयाँ बिक्रेताहरूलाई सेवा दिनुका साथै उनीहरूलाई प्लेटफर्मको अपार सम्भावना र दराज बिक्रेता समुदायमा सामेल हुने फाइदाहरूको बारे प्रष्ट गरायो।
दोस्रो र तेस्रो सत्र व्यवहारिक तालिममा केन्द्रित थियो । विक्रेताहरूलाई दराज बिक्रेता केन्द्र प्रयोग गर्न मार्गदर्शन गर्ने, बिक्री सूचीहरू सशक्त पार्ने, बिक्रेता स्कोरकार्डहरू प्रयोग गर्ने, र उनीहरूको अनलाइन उपस्थिति देखाउन र व्यवसाय बढाउन दराजसँग उपलब्ध विभिन्न बिक्रेता उपकरणहरूको लाभ उठाउन यस कार्यक्रमको मुल उदेश्य थियो ।
कार्यक्रममा तीन अनुभवी विक्रेताहरूले आफ्नो अनुभव र सुझावहरू प्रस्तुत गरेका थिए। त्यसमध्ये एक वक्ता नवि न अधिकारीले ११.११ अभियानमा पोखराबाट एकै दिन १८०० भन्दा बढी अर्डर बिक्री गरेको खुलासा गरे ।
कार्यक्रमको सफलतालाई ध्यानमा राख्दै, दराजले भरतपुर, बुटवल र विराटनगरलगायत नेपालका प्रमुख सहरहरूमा बिक्रेता अन्तरक्रिया कार्यक्रम जारी राख्ने योजना घोषणा गरेको छ । यसले देशभरका बिक्रेताहरूलाई सशक्त बनाउन, आफ्नो पहुँच विस्तार गर्न र उनीहरूलाई प्रतिस्पर्धी ई–कमर्स परि दृश्यमा फस्टाउन आवश्यक उपकरण र ज्ञान प्रदान गर्नेछ ।
बिक्रेता अन्तरक्रिया कार्यक्रमद्वरा दराजले आफ्ना बिक्रेताहरूसँग बलियो साझेदारी बढाउने र उनहिरुको सफलता का लागि आवश्यक स्रोत र साधनहरू उपलब्ध गराउने प्रतिबद्धता लिएको छ।
दराज नेपालले विगत पाँच वर्षदेखी आफ्नो सेवा अनुरुप स्थानीयको माग पूरा गर्न भरपर्दो , उपयोगी र लोकप्रिय बजारको रुपमा आफुलाई प्रस्तुत गर्दै आएको छ। दराजमा हाल १८,००० भन्दा बढी बिक्रेताहरू, प्रति महिना १५ लाख सक्रिय एप प्रयोगकर्ताहरू छन् भने नेपालको १०१ शहरहरूमा डेलिभरीको सुबिधा दिँदै आएको छ ।
© 2023, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.