म्याग्दी ।
सिटिजन लाइफ इन्स्योरेन्स कम्पनीको आयोजनामा मणिपाल शिक्षण अस्पतालको प्राविधिक सहयोगमा चिमखोला गाउँ, रघुगंगा ७, म्याग्दीमा, आँखा तथा जनरल मेडिसिनको निशुल्क स्वास्थ परीक्षण, निशुल्क औषधी वितरण तथा सूगर जाँच भएको छ ।
मणिपाल शिक्षण अस्पतालबाट आँखा तथा जनरल मेडिसिन विभागका विशेषज्ञहरुको टोली एक दिन अगाडि नै पुगेर बिहानैदेखि शिविर सञ्चालन गरी फर्केका थिए । रघुगंगा गाउँपालिका वडा न –७ का वडा अध्यक्ष ठगबहादुर पाइजा पुनले पोखरादेखि दुर्गम गाउमा आएर मणिपाल शिक्षण अस्पताल र सिजिन लाइफ इन्सोरेन्सले निशुल्क स्वास्थ्य परीक्षण र निशुल्क औषधी वितरण गरी गुन लगाएको बताए ।
सिटीजन लाइफ इन्सोरेन्स कम्पनीका प्रमुख सुनिल पोखरेले मणिपाल अस्पतालसँग सहकार्य गरेर दुर्गम गाउमा निशुल्क स्वास्थ्य गर्न पाउदा निकै खुशी लागेको सुनाए ।
मणिपाल शिक्षण अस्पतालका सहायक प्रबन्धक खिमबहादुर लामिछानेले मणिपाल शिक्षण अस्पतालको सामाजिक उत्तरदायित्व बहन गर्ने क्रममा देशका विभिन्न स्थानहरुमा विभिन्न संघसंस्थाहरुसँग मिलेर निशुल्क स्वास्थ्य शिविरहरुमा प्राविधिक सहयोग तथा निशुल्क औषधीहरु वितरण गर्ने गरेको जानकारी दिए ।
© 2023, Tandav News. सर्वाधिकार सुरक्षित नोट : यस ताण्डव न्यूजबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘ताण्डव न्यूज डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।
Comments are closed.